臺北棧 (港威商場)

Open Now

Now Closed

海港城行行吓街見到呢間精緻貼地嘅台灣特色菜，見到餐牌好多菜式嘅配搭都係佢哋獨有，大膽創新得來又有新鮮感😇裝修風格帶文青風，以啡色、木色為主調，座位舒適，有多個梳化位置🤓髒髒咸蛋黃芋泥蛋餅呢個款式喺出邊甚少見到！蛋餅上邊鋪上滿滿嘅蛋黃碎同埋芋粉，黎到已經俾佢個樣深深咁吸引住😇咬落去入邊啖啖芋泥，夠創意得來又好食😋招牌滷肉飯食台灣嘢點可以冇滷肉飯？呢到滷肉肥瘦均勻，醬汁濃而帶少甜，配埋白飯食就一流明太子甜不辣炸脆左嘅甜不辣上邊鋪滿明太子醬配搭非常之夾 蒜香三色腸將台灣腸再加墨魚腸切片煎香，配埋蒜片同蜜糖汁，惹味小食之選🤓招牌牛肉麵 麵底可以選擇自己鍾意嘅麵款，手工面質彈牙有咬口，黎到嘅時候職員有介紹旁邊有嚿牛脂肪，加埋落去嘅話會更加香滑！湯底喺濃牛肉湯配蟲草花，掛湯得黎又夠香芋泥牛乳滿滿嘅芋泥佔咗一半，配埋牛乳，口感滿足，而且佢冇特別落糖，絕對唔會覺得好甜