走肉‧朋友 (Closed)

是日晚餐：「走肉·朋友」外賣五餸飯餐，之前喺網上已經見唔少人推介，今日終於去了買嚟食。整體味道唔錯，口水雞真係幾辣，同埋好似雞肉，煎釀三寶入面啲魚肉同平時食開嗰啲真係無分別，蕃茄炒蛋唔酸，甜甜地幾好食。椒鹽炒南瓜同蓮藕幾脆，炒米粉隻味唔錯，同埋唔係淋晒（本人最憎食米粉，因為平時啲炒米粉淋晒，又無味。）同埋佢個五餸飯餐啲餸有得自己揀，而且份量都幾多，唔係求其俾一兩嚿就算，值得一試，期待之後有晚市堂食去試齋自助餐。