Video
Read full review
2025-01-07
314 views
茶舍Menu上面有好多其他茶餐廳無得揀嘅選擇，例如海鮮湯飯，蛋包飯等等，心大心細，樣樣都想試。魚籽三文魚蛋炒飯係呢間餐廳嘅創新之作，見Menu推介就試下。炒飯粒粒分明，炒得乾身，唔會油膩。煙三文魚味道夠出，仲加入咗魚籽同菇，令味道更加豐富，口感十足。仲嗌咗鮮茄焗豬，豬排超大塊，質地幾嫩而唔會乾。焗飯鋪滿咗濃郁嘅芝士，焗到微焦，夠曬香。茄汁醬底味道偏甜，唔會過酸，有啲菠蘿，味道balance得幾好。慢煮咖哩牛腩飯，港式咖哩汁味道濃郁，有椰香味，撈飯食一流。牛腩份量好多，全部都大大舊，仲跟咗啲薯仔。呢間新派茶餐廳菜式選擇多，價錢合理，份量又足，絕對值得返兜👍仲值得一讚嘅係店員態度好好，有講有笑
魚籽三文魚蛋炒飯係呢間餐廳嘅創新之作，見Menu推介就試下。炒飯粒粒分明，炒得乾身，唔會油膩。煙三文魚味道夠出，仲加入咗魚籽同菇，令味道更加豐富，口感十足。
仲嗌咗鮮茄焗豬，豬排超大塊，質地幾嫩而唔會乾。焗飯鋪滿咗濃郁嘅芝士，焗到微焦，夠曬香。茄汁醬底味道偏甜，唔會過酸，有啲菠蘿，味道balance得幾好。
慢煮咖哩牛腩飯，港式咖哩汁味道濃郁，有椰香味，撈飯食一流。牛腩份量好多，全部都大大舊，仲跟咗啲薯仔。
呢間新派茶餐廳菜式選擇多，價錢合理，份量又足，絕對值得返兜👍仲值得一讚嘅係店員態度好好，有講有笑
Post
