Video
Read full review
2010-10-04
31 views
國慶提供左連續3日既假期，好想响市區嘆一頓午餐，享受一份偷得浮生半日閒既快感！Viva Ana 係新進駐灣仔既西班牙餐廳，去到門口先知佢係屬於某大飲食集團。OK，講多無謂、先試為快！門一撇開，好容易就被右手邊既 Open Kitchen 吸引住，彩色既手寫 menu 令您視線立即往上移，樓底極高，令人食指大動既火腿竟吊得高高遙不可及。而靠左牆邊則放置左兩張 causal 小圓枱，沿路直入主餐區，面積唔大，放置左 8-9 張餐枱，但正面一排窗戶朝向外面一個小花園，種有幾棵養眼既大樹，真係鬧市中難得既開揚景緻。加上餐廳裡外呼應既醒目色彩，更形造出一種歡欣既感覺。特別設計既落單紙，鐘意食咩飲咩就响上面剔一剔，即時能我諗起飲茶既點心紙，對西班牙餐廳而言，應認係史無前例，果然新派。另外仲有 Today's Special 寫响小黑板供客人選擇，當日有餐湯、三文治、意粉等。 飲品：- Terrasola Sauvignon Blanc, Penedes 2007/08 白酒一杯：OK，唔太酸、亦唔太甜。- Tradition Sangria 一杯：酒味同果味比平時飲開既 Sangria 略淡。 炸
Viva Ana 係新進駐灣仔既西班牙餐廳，去到門口先知佢係屬於某大飲食集團。OK，講多無謂、先試為快！
門一撇開，好容易就被右手邊既 Open Kitchen 吸引住，彩色既手寫 menu 令您視線立即往上移，樓底極高，令人食指大動既火腿竟吊得高高遙不可及。而靠左牆邊則放置左兩張 causal 小圓枱，沿路直入主餐區，面積唔大，放置左 8-9 張餐枱，但正面一排窗戶朝向外面一個小花園，種有幾棵養眼既大樹，真係鬧市中難得既開揚景緻。加上餐廳裡外呼應既醒目色彩，更形造出一種歡欣既感覺。
特別設計既落單紙，鐘意食咩飲咩就响上面剔一剔，即時能我諗起飲茶既點心紙，對西班牙餐廳而言，應認係史無前例，果然新派。另外仲有 Today's Special 寫响小黑板供客人選擇，當日有餐湯、三文治、意粉等。
飲品：
- Terrasola Sauvignon Blanc, Penedes 2007/08 白酒一杯：OK，唔太酸、亦唔太甜。
- Tradition Sangria 一杯：酒味同果味比平時飲開既 Sangria 略淡。
炸蕃薯伴香辣蛋黃醬：突出之處黎自自製既蛋黃醬。整體味道温和、帶微辣；黃、紫甜蕃薯沾上蛋黃醬後，蛋黃醬絶無搶風頭，蕃薯甜香同蛋黃醬食味均能平均發揮，配撘果然有巧究。
36個月 Iberio Ham：
西班牙黑毛豬火腿係我既至愛之一，分別有 32 同36 個月兩種，最少份量 50g，售價分別為 $105 同 $150。至於 80g 或 100g 既售價以 50g 售價作基準，相對平宜一 d 。
入口香軟、濃濃鹹香中帶醬菓香味，入口既餘香，令人著迷，愈食就愈想食！
牛尾批伴蕃茄辣醬：
講到批，通常都係一個大圓形，但呢個批就好小巧，由3隻細批組成。
首先講下酥皮，技巧確實到家！皮既厚簿恰到好處，入口唔油膩，口感柔軟、濕潤，一 d 都唔覺張喉滯口。饀料既碎牛尾肉有彈性又入味，與香濃醬料混和。但竟意想唔到咁細既批裡仲夾雜左煙靭既牛筋，口感、層次同時兼顧。而辣茄醬用新鮮蕃茄做成，味道清新，襯上濃味既饀料，剛好平衡得宜。仲係即叫即做，認真一絲不苟！
終於明白小批既好處，厨師係有佢既道理。
扒沙甸魚香草橄欖油：餐廳經理推介，做到一般水平。最突出既要算係煎得甘香脆口既魚皮。
蒜片蝦：亦係餐廳經理推介，蝦用橄欖油、蒜蓉同香草慢煮而成，所以蝦肉保持鮮嫩兼富有甜味，將蝦連香草、蒜蓉一齊入口，感覺又香又鮮！
餐廳屬於 Causal 風格兼主打 Tapas，並無無傳統西班牙既燒乳豬、西班牙海鮮飯供應。但 Tapas 選擇算少，只有 6 款素食、8 款肉類、同9款海鮮。反觀餐酒種類唔小。另有西班牙香腸及沙律可供外賣。
服務：由於氣氛 Causal，基本侍應都相當友善同輕鬆，比一般傳統西班牙餐廳來得輕鬆。
Post
