越男仔 (Closed)

今晚同朋友係荃灣廣場睇完戲，見到對面有間食越南菜，菜式相比傳統越南菜款式較新派創新，晚市仲有不同套餐選擇。招牌去骨海南雞配黃薑飯 $76招牌菜當然要點😋雞件好厚身肉質嫩滑，雞味濃郁，雞皮好爽，黃薑飯好入味，果然係招牌菜做🉐️好出色👍🏻3 course dinner $109幾抵食！有兩款小食同一份主菜小食～牙車快沙律入面有青瓜、椰菜、蘿蔔、雞絲同柚子，相當豐富。小食～椒鹽脆蛋魚柳炸得好香脆主食～牛+豬Pho相當足料！有豬扒，豬頸肉，烤牛肉，生牛肉，肉質好香夠鬆軟，湯底係紅蕃茄湯檬粉，味道濃郁香甜。