Video
Read full review
2024-09-26
1058 views
我諗好多人都聽過佐敦神燈呢間酒樓喇吧？佢地野食好新派，有好多款手工粵菜 ，我好鐘意介紹朋友過黎食！今次我地又去佐敦總店食喇😂😂✨黑松露玻璃燒鵝 $238 1/4 隻 經典黑忟忟燒鵝！我哋2個人叫咗1/4隻燒鵝已經好大一份～黑松露鵝片烤得好香酥脆口，肉質軟嫩夾住入口即溶嘅油脂一齊食，不得了，食既時候要再點埋個黑松露汁同酸梅醬黎食，味道既香濃又開胃✨糯米炒膏蟹 $588係原隻大肉蟹！糯米飯吸收晒蟹既精華，而且撈嗰陣個底仲有好多飯焦～至於隻大肉蟹當然係啖啖肉，而且仲爆晒膏，呢兜飯我可以encore 十次！！✨蜜汁脆燒鱔 $278燒鱔好厚肉而且無咩碎骨，外片烤得好香脆，食既時候加埋蜜汁同檸檬汁一齊食，香口惹味✨南非鮑魚啫啫雞鮑魚啫啫雞煲一黎到就聞到超香！鮑魚有4大隻，隻隻都超厚肉另外雞件都好大件啖啖肉唔會全部係骨～食既時候再加埋香蔥蒜蓉調味超香口惹味✨金湯海皇豆腐 $138呢個海皇豆腐煲好足料，咸蛋黃汁加上豆腐蝦粒帶子等等用黎送飯一流✨手拍青瓜 $68青瓜加上大量蒜粒同埋辣椒，口感清新之餘又有陣陣辛辣感✨甜品最尾仲送甜品✨前菜
我諗好多人都聽過佐敦神燈呢間酒樓喇吧？佢地野食好新派，有好多款手工粵菜 ，我好鐘意介紹朋友過黎食！今次我地又去佐敦總店食喇😂😂
✨黑松露玻璃燒鵝 $238 1/4 隻
經典黑忟忟燒鵝！我哋2個人叫咗1/4隻燒鵝已經好大一份～黑松露鵝片烤得好香酥脆口，肉質軟嫩夾住入口即溶嘅油脂一齊食，不得了，食既時候要再點埋個黑松露汁同酸梅醬黎食，味道既香濃又開胃
✨糯米炒膏蟹 $588
係原隻大肉蟹！糯米飯吸收晒蟹既精華，而且撈嗰陣個底仲有好多飯焦～至於隻大肉蟹當然係啖啖肉，而且仲爆晒膏，呢兜飯我可以encore 十次！！
✨蜜汁脆燒鱔 $278
燒鱔好厚肉而且無咩碎骨，外片烤得好香脆，食既時候加埋蜜汁同檸檬汁一齊食，香口惹味
✨南非鮑魚啫啫雞
鮑魚啫啫雞煲一黎到就聞到超香！鮑魚有4大隻，隻隻都超厚肉另外雞件都好大件啖啖肉唔會全部係骨～食既時候再加埋香蔥蒜蓉調味超香口惹味
✨金湯海皇豆腐 $138
呢個海皇豆腐煲好足料，咸蛋黃汁加上豆腐蝦粒帶子等等用黎送飯一流
✨手拍青瓜 $68
青瓜加上大量蒜粒同埋辣椒，口感清新之餘又有陣陣辛辣感
✨甜品
最尾仲送甜品
✨前菜
Post
