海鱻城

Open Now

Now Closed

今日係老公姐姐，即我姑奶生日，佢住在樂富，放工同老公去同佢食餐飯，姑奶說她的商場有一間酒樓，叫海鱻城，飲茶和食晚飯都唔錯，我們就訂左枱今晚食飯。酒樓佔地都好大，製修設計時尚，座位寬敞，燈光明亮。脆皮潮連燒鵝：老公同佢家姐特別喜歡食燒鵝，當時少不了，燒鵝例牌，剛好是上段，佢地最愛的鵝胸，肉厚皮脆，沒有太多肥膏，肉質鮮嫩，皮帶少許鵝油香味，點些酸梅醬，十分惹味！當紅炸子雞半隻：即叫即炸，皮脆肉嫩又入味，還加了少許炸蒜，增加左香味。花膠北菰鵝掌煲：呢煲就真係值得推薦，上枱時熱騰騰，煲內發出沙沙聲，用材高質，大大塊花膠和鵝掌，又有大隻花菇。炆得好入味，花膠鵝掌林滑，花菇厚肉爽口，好好味！石鍋一品炒飯：份量也不少，用料有蝦仁、帶子、芥蘭粒，用特别調過味的醬油炒，飯粒粒分明有鑊氣，用石鍋盛載可以保持温度耐D，食完飯，石鍋還是熱的。