MOMOJEIN Korean Restaurant (Closed)

今日想食韓國野，上網搵知道呢棟大廈有間韓國餐廳，無訂位膽粗粗黎碰下運氣，七點幾黎到都仲有位，不過坐bar枱，都ok啦！裝修擺設都同平時既韓國餐廳好唔同，呢度感覺比較後生同埋燈光係暗暗地果種。雖然本餐牌幾靚，但食物種類唔算好多，而且價錢都偏貴。點左枝韓個米酒。點左Flower Chives Pancake。個煎餅好脆好香口，而且比平時D煎餅厚，入面有好多韭菜同海鮮，好足料，幾好食。又點左Country Fried Chicken，都幾大兜，上面鋪滿炸蓮藕片，炸雞有不同部份，有雞脾、雞翼、雞翼尖、雞胸。都幾有肉汁，唔會炸到乾晒，但感覺就唔係好韓式，反而有D似KFC果D炸雞，但炸雞要 $230 ，覺得有D貴。甜品點左Yuzu Cheesecake，賣相幾靚喎！份量細細個，有芝士味但不太濃，上面既柚子就好似平時一樽樽沖柚子茶果D柚子，以酸酸地既柚子配芝士蛋糕，感覺無咁膩。兩個人食左唔係好多野但埋單都要$554，食物又不見得好特別，應該唔會再去。