Video
Read full review
2021-07-10
172 views
新派韓國菜-반찬앤쿡 Banchan and Cook行完時代廣場咁多coupon送，就嚟咗呢間新式韓國餐廳試吓。睇嗰個Menu都覺得幾特別，因為除咗傳統嘅烤肉、炸雞之外，仲加入左日式同西式嘅元素，例如呢度最出名嘅蛋包飯、意粉、窩夫同埋沙律等等。絕對會令你嘅味覺有新嘅體會同埋衝擊。燉牛肋骨蛋包飯蛋包飯係呢間餐廳嘅主打，可以加錢升級轉蟹子蛋包飯。牛肋骨食落口非常軟身，而且醬汁完全鎖住肉嘅鮮味。一切開蛋包飯就有勁多蛋漿流出，留心蛋漿除咗外貌靚之外，而且入口即溶。鍾意食蛋嘅朋友一定唔可以錯過！燒醬油黑毛豬白切肉配大醬生菜黑毛豬火腿就成日食，白切煮法我都係第一次試。脂肪同肉嘅比例大概係一比三，食落口唔會太肥膩。呢一個餸嘅食法比較特別，有啲似泰式生菜包。餐廳提供左薄荷葉同埋生菜，可以包住黑毛豬肉，再按照自己嘅喜好加入泡菜、青椒、蒜頭同埋韓式醬汁，包住一齊食，有幾層唔同嘅口感。醬油蒜頭炸雞配韓式前菜 炸雞有六款唔同嘅口味，我就點左半份無骨醬油蒜頭味。半分嘅尺寸都比我想像中多，仲配上韓式年糕同埋外脆內軟嘅粗薯條，賣相真係好吸引。個人覺得炸雞嘅部份就比較甜，同埋醬汁比較多，有少少掩蓋雞嘅味道。烤朱古力
行完時代廣場咁多coupon送，就嚟咗呢間新式韓國餐廳試吓。睇嗰個Menu都覺得幾特別，因為除咗傳統嘅烤肉、炸雞之外，仲加入左日式同西式嘅元素，例如呢度最出名嘅蛋包飯、意粉、窩夫同埋沙律等等。絕對會令你嘅味覺有新嘅體會同埋衝擊。
燉牛肋骨蛋包飯
蛋包飯係呢間餐廳嘅主打，可以加錢升級轉蟹子蛋包飯。牛肋骨食落口非常軟身，而且醬汁完全鎖住肉嘅鮮味。一切開蛋包飯就有勁多蛋漿流出，留心蛋漿除咗外貌靚之外，而且入口即溶。鍾意食蛋嘅朋友一定唔可以錯過！
燉牛肋骨蛋包飯
$125
21 views
0 likes
0 comments
燒醬油黑毛豬白切肉配大醬生菜
黑毛豬火腿就成日食，白切煮法我都係第一次試。脂肪同肉嘅比例大概係一比三，食落口唔會太肥膩。呢一個餸嘅食法比較特別，有啲似泰式生菜包。餐廳提供左薄荷葉同埋生菜，可以包住黑毛豬肉，再按照自己嘅喜好加入泡菜、青椒、蒜頭同埋韓式醬汁，包住一齊食，有幾層唔同嘅口感。
燒醬油黑毛豬白切肉配大醬生菜
$182
31 views
0 likes
0 comments
醬油蒜頭炸雞配韓式前菜
炸雞有六款唔同嘅口味，我就點左半份無骨醬油蒜頭味。半分嘅尺寸都比我想像中多，仲配上韓式年糕同埋外脆內軟嘅粗薯條，賣相真係好吸引。個人覺得炸雞嘅部份就比較甜，同埋醬汁比較多，有少少掩蓋雞嘅味道。
醬油蒜頭炸雞配韓式前菜
$128
27 views
0 likes
0 comments
烤朱古力棉花糖
賣相好吸引嘅朱古力棉花糖，半溶嘅棉花糖仲可以配消化餅食。棉花糖嘅面頭仲有朱古力醬同埋朱古力碎，但係味道就真係有少少過甜，食一兩啖就好飽。
烤朱古力棉花糖
$98
23 views
0 likes
0 comments
士多啤梨紅桑子梳打
呢個係餐廳推薦嘅飲品，有士多啤梨同埋紅桑子兩款生果，加入梳打水，係一款清新解渴嘅夏天特飲。
焦糖脆脆鮮奶凍咖啡
飲落好似一般嘅牛奶咖啡，焦糖味唔算太突出，但係有少少脆脆喺面，令飲品多少少口感。
如果鍾意食韓國菜嘅朋友不妨試吓，呢間新派嘅韓式fusion菜，而且價錢都適中。
Post
