首首.韓式小館 (Closed)

今日收工過去灣仔玩具街睇玩具，之後睇下有咩餐廳好食，我老婆話又好似好耐冇食過韓國嘢，諗起附近有間韓國野都幾好食，所以搵左D間新派韓國野試下。入到去坐底之後，這間餐廳裝修格局都非常時尚，坐位又舒適，點完餐之後都會送上前菜，今次前菜有：蓮藕片、泡菜、牛篣。【自家燉製人參雞湯】在冷冷的天氣，當然要食暖胃既人參雞湯，這個人參雞是原隻雞上，隻雞都算大隻，這個雞湯非常清又不會覺得好油，仲要有濃濃的雞湯甜味，仲帶點人參味，真是份量十足，雞肚內有人參、糯米、紅棗、栗子肉、藥材等，喜歡人參味可叫來試下。【炒韓國牛肉粉絲】這個粉絲炒得好夠獲氣又夠熟透，材料多，再加入醬汁炒至入味，口感沒有油膩感及調味又適中。不錯!!【自家製雲呢嗱雪糕伴甜合桃及黑白芝麻脆片】到最後食飽飽，點都要叫返個甜品來試下，這個焦糖合桃雲尼拿雪榚，焦糖合桃十分香脆可口令雪榚提升左不少口感，再加上黑白芝麻脆片，真是不錯。