餃子縣餃子專門店 (Closed)

食餃子點可以唔去餃子縣，皮薄餡多又多汁。煎餃可以揀唔同味，我揀咗三種味，日式紫菜豬肉、韓式辛辣芝士豬肉、蕃茄芝士豬肉。佢啲餃子皮唔厚，肉餡好多仲好juicy，皮煎到好脆好香。蕃茄芝士最好食，食落去好有層次，首先係好鮮甜嘅茄味 再咬耐少少，芝士味會慢慢滲出嚟，完全唔會奇怪，係會覺得好新鮮好特別。辛辣芝士豬肉辣辣地 芝士味中和咗個辣度，芝士味唔算好濃，但食落口好溫和順口。日式紫菜豬肉有少少乾同埋普通，無咩特別，我覺得用落餃子餡唔太夾。涼拌菠菜面配五隻韭菜豬肉餃，波菜面有青瓜絲、雞絲、芝麻醬，麵同芝麻醬比份啱啱好，可以撈曬成個麵，份量好多，味道清新，用菠菜麵感覺更加健康。韭菜豬肉餃就普普通通，正常味道，唯一要讚係好juicy。餃子縣嘅餡真係好多款，仲要好多新派口味，有啲望落奇怪但異常吸引，所以好欣賞佢地 希望你地會越出越多味啦。