六小館

聖誕節入東涌東薈城行街，屋企人喜歡食中菜，六小館系個好選擇，環境適應， 仲可以望到出面嘅風景，景色優美。前菜三小品，口味清新，是非常開胃的前菜。陳醋小雲耳青筍：新鮮嘅雲耳同青筍，搭配上陳醋的酸味，味道非常清爽又開胃。涼拌豆乾：豆乾嘅質地柔軟口感滑嫩充滿豆味，配搭蔬菜有清脆口感。冰爽水水魷魚：魷魚好Q，配上特製的醬料，帶有微辣，開胃好食。雪影金栗魚肚羹魚肚羹質地嫩滑，入口即化。魚肚鮮甜，融入湯底香味濃郁。加入蛋花粟米，口感層次豐富，飲落很滋潤。熔岩沙茶原雙鮑魚豬手煲呢道菜不得了！勁有驚喜！沙茶醬香氣四溢，兩隻鮑魚好冧好入味，鮮香濃郁，豬手煮得軟嫩，肉質鮮美，同鮑魚好夾，勁惹味。櫻花蝦牛乳滑蛋炒日本带子刺身級日本帶下夠鮮甜，搭配香脆嘅櫻花蝦同滑蛋，味道豐富。用牛乳炒嘅滑蛋綿密充滿蛋香。養生黑杞子浸杞時蔬小白菜新鮮多汁，加入黑杞子為菜式增添咗營養，同時又釋放出獨特嘅香氣，帶來豐富嘅滋味。桂花鮮蝦炒新竹米粉大蝦高質，新鮮彈牙，賣相仲好好，米粉火候正好，搭配桂花的芬芳香氣，完全冇油膩感。是日甜品是鮮果奶凍賣相出色，面頭加咗士多啤梨同藍莓味波子，咬開系啫喱口感，奶凍嫩滑充滿奶香。