媽咪雞蛋仔

Open Now

Now Closed

今日離遠就見到係天星碼頭開咗間新嘅「媽咪雞蛋仔」。即刻去幫襯一下先。可以係佢近窗邊嗰邊打個卡，除咗有天星小輪背景之外，仲有由香港插畫師MOONCASKET，嘅壁畫陪大家一齊食雞蛋仔。媽咪雞蛋仔其實係2009年先發跡，由2016-2021連續六年被米芝連推介嘅街頭小食。佢哋除咗有傳統口味雞蛋仔之外，仲有好多唔同花款嘅口味。朱古力、抹茶、咖啡等等，今次就試咗一個好特別嘅法式檸檬芝士雞蛋仔。雞蛋仔酸酸甜甜，又有少少芝士味，味道好清新。雖然係mix咗法式crepe嘅口味，但係非常之夾。而家喺佢哋嗰度買雞蛋仔再買飲品，即時減$4，可以試吓佢哋嘅紅豆奶茶或者水蜜桃果茶，味道都唔錯。