小蝶 (Closed)

5.1放假同老婆去行銅鑼灣,順利去試下由采蝶軒演變,全新格調的小蝶。試了三味新菜色。牛頭到尾,係炆牛脷及牛尾,非常入味,汁用來撈飯一流。菠蘿咕嚕肉,三個菠蘿包仔反轉釀咕嚕肉,好Q好得意,酸甜配搭適當。如果份量大一點就更好。重慶石鍋豆花魚,勁辣,係麻辣的口味,豆腐花及辣魚煲係分開兩煲的,隨自己喜歡配搭,喜歡麻辣的人一定要試。食完辣魚再嗒一口金桂花茶,茶清香甜,即時降返火。