滾得棧 (Closed)

人人都有間自己食開嘅火鍋，呢排呢間都係心頭好。無他，牛肉真心高質，你自己去街市買都冇咁靚，而且獨有嘅牛眼跟，真係唔係咁多地方有。最精彩嘅係呢度有好多新湯底提供，剛剛上星期推出嘅麻辣小龍蝦湯底，加上薯粉、青瓜、蓮藕等等，食到唔願停口，完全感受到那種地道氣息。呢到仲有個好出名嘅潮式紫菜湯底，驚喜度滿分，就咁飲都夠開心。今次仲試左呢到嘅刺身，本地龍蝦刺身當然不錯，兩食用龍蝦頭整嘅泡飯，不得了。當然仲有其他靚靚打邊爐料，炸午餐肉，梅菜豬肉餃，響鈴、桂花蚌，鮑魚等等，食到頂住個肚。人多勢眾，試埋佢嘅生炒糯米飯，聽講攞哂獎，幾飽都要試，炒得貨真價實，每粒脆口，加上靚臘味，當你今晚咁飽時候都仲要食幾多啖就知真係好好食。睇下相，又想拖馬去試新湯底，聽講將會有新湯底，下次再介紹俾大家。