Video
Read full review
2019-06-30
31 views
齋睇外觀仲以為行錯左去酒吧，原來真係有間咁Chill既泰菜😲。外面有露天Bar位，不過岩岩行完山有啲熱，就入左裏面坐；入面亦都有大螢幕播一啲泰國MV，音樂都幾強勁，好有Feel👩🏻🎤。-串燒（牛、雞）$108用酒杯黎裝住啲串燒，賣相好有趣。薄荷葉其中一個特色就係佢地既香料、蔬菜都係黎自佢地既自家農田👩🏻🌾，確保香料同蔬菜都係新鮮高品質💯；而當中茴香葉係薄荷葉菜色入面常見既配菜🌿。侍應建議我地可以搣少少茴香葉配串燒。-牛肉粒非常厚肉又無筋，甚少脂肪，牛味濃烈🐂。雖然雞都係啖啖肉，不過我覺得乾左少少，中意食牛多啲！茴香葉聞落去有啲似芫荽，但食落無想像中咁濃味，有啲似檸檬葉味🍋。配串燒食都幾夾，可以減去油膩感。-自家制炸蝦餅 $88份量好足，有成八粒咁多👏🏻。外層炸得鬆脆，入面既蝦膠打得好彈牙🦐，蝦味都算濃郁。-椒絲泰式炒椰苗 $98當然要試下Mint Thai自家農田種出黎既椰苗🌱！菜味非常濃，不過我略嫌炒得老左少少，但個汁好惹味，會令到你忍唔住係咁食✨。-冬陰公炒飯 $128好好食，份量又多，冬陰公味酸酸辣辣🤤，配料有鮮魷、蝦、草菇，仲有茴香葉！我覺得茴香葉配冬陰公炒飯夾過配串燒🤞🏻
齋睇外觀仲以為行錯左去酒吧，原來真係有間咁Chill既泰菜😲。外面有露天Bar位，不過岩岩行完山有啲熱，就入左裏面坐；入面亦都有大螢幕播一啲泰國MV，音樂都幾強勁，好有Feel👩🏻🎤。
-
串燒（牛、雞）$108
用酒杯黎裝住啲串燒，賣相好有趣。
薄荷葉其中一個特色就係佢地既香料、蔬菜都係黎自佢地既自家農田👩🏻🌾，確保香料同蔬菜都係新鮮高品質💯；而當中茴香葉係薄荷葉菜色入面常見既配菜🌿。侍應建議我地可以搣少少茴香葉配串燒。
-
牛肉粒非常厚肉又無筋，甚少脂肪，牛味濃烈🐂。雖然雞都係啖啖肉，不過我覺得乾左少少，中意食牛多啲！
茴香葉聞落去有啲似芫荽，但食落無想像中咁濃味，有啲似檸檬葉味🍋。
配串燒食都幾夾，可以減去油膩感。
-
自家制炸蝦餅 $88
份量好足，有成八粒咁多👏🏻。
外層炸得鬆脆，入面既蝦膠打得好彈牙🦐，蝦味都算濃郁。
-
椒絲泰式炒椰苗 $98
當然要試下Mint Thai自家農田種出黎既椰苗🌱！菜味非常濃，不過我略嫌炒得老左少少，但個汁好惹味，會令到你忍唔住係咁食✨。
-
冬陰公炒飯 $128
好好食，份量又多，冬陰公味酸酸辣辣🤤，配料有鮮魷、蝦、草菇，仲有茴香葉！我覺得茴香葉配冬陰公炒飯夾過配串燒🤞🏻，因為冬陰公炒飯無串燒咁濃味，茴香葉既香氣會再突出啲👍🏻。
-
另外要讚下既係侍寢服務態度非常好👼🏻，每道菜都會介紹下要點咩醬食，同埋舉親手都好快會過黎👏🏻。
Post
