品曲奇 (利園二期) (Moved) New Location

平時新年最多收到嘅都係曲奇餅，但食黎食去都係嗰幾隻味，但原來香港有一間新派嘅曲奇餅店，佢創新嘅味道令我忍唔住買咗兩盒食。單單係佢嘅包裝已經好吸引，送禮簡直係一流。佢哋有八款唔同口味嘅曲奇，可以買一盒獨立嘅款式，又或者係佢哋嘅雜錦裝，八款都齊晒可以每樣都試吓。佢哋嘅曲奇除咗有甜嘅口味之外，仲有鹹味嘅曲奇，都係充滿香港特色嘅口味，例如XO醬、香辣蝦米、蔥油雞同七味粉，而甜嘅口味亦都好有特色，有提子花旗參、紅棗、杏脯迷迭香同陳皮子薑。初初聽個名都擔心會唔好食，但係食落去原來好夾，用來做小食或者送酒都非常之啱。