海灣茶居 (Closed)

夜晚都可以飲茶食點心，又可以食小菜嘅餐廳真係好小見。。就算係酒樓夜晚都無點心食啦，呢度可以滿足哂大家嘅食慾。估唔到呢度坐得好舒服，又有卡位，有別於一半嘅酒樓茶餐廳。裝修都好光猛，茶具又靚。餐牌好多選擇，除咗小菜點心連烤魚，泡飯都有。雜菌咸雞粥估唔到細窩都好大份量，入面有好多茹菇同雞絲，粥煮到好綿綿，味道唔會太咸岩岩好，好好食😋豉油皇炒麵呢個嗌粥就可以加20蚊，估唔到份量好多，豉油唔太咸，入面好多蔬菜絲，小見嘅紅椰菜，食落好脆口，啲麵又唔會太碎，讚！火龍果咕嚕肉蜜桃炒，菠蘿炒就成日都見，火龍果炒係好小見，估唔到意外嘅好夾，啲咕嚕肉唔會好大舊，炸到好脆，無乜肥肉！火龍果食入口仲好juicy㗎。酸菜魚魚片好多，魚片好滑，夠入味。我覺得係偏辣左啲，入面除左酸菜仲有豆卜，青瓜，芽菜，薯粉 。呢個仲包白飯同例湯。最後我地仲嗌左甜品雙皮奶，薑汁味就食唔出，不過好滑溜，奶味好濃，正！班蘭椰汁千層糕一客3件，呢個千層糕，口感係煙勒嘅，唔係鬆軟，所以我覺得好特別好味🤤餐廳只係收5蚊茶錢，唔洗加一，環境又舒適。如果夜晚想飲茶，可以過嚟食😙😙