土耳其小城 (萬昌樓) (Closed)

成日係元朗經過，今日終於試下呢間餐廳，一入餐廳勁full，好彩早到，唔洗排隊🤣。個Menu設計得勁有心思，個封面設計勁有神秘感，同埋將土耳其特色融入去。勁靚。而且個Menu好驚喜，會介紹土耳其小城，好詳盡咁介紹配埋好靚插圖。睇完勁心思思想去土耳其旅遊🥹首先我地選擇左木炭烤羊件 ，串燒上台份量勁多，6大件，每一串都係勁厚免治羊肉，食落啖啖肉勁好食。而且一D都無羊騷，烤得勁野味。其次係印度咖喱雞 ，睇上去紅噹噹以好辣，其實屬於微辣，雞肉好嫩滑，配埋番茄做調味，酸酸辣辣好開胃。總額外加左個蒜油烤餅 。新鮮烤出來，上檯係熱辣辣，又鬆脆又香蒜味，配埋個咖喱雞真係一絕。我地總叫左個浮雲沙律，個名好有詩意。呢個沙律唔係普通沙律，唔係沙律菜果類，係有青瓜，椰菜絲，番茄加上薄脆片，有嚼口之餘又fresh。好有心思。