全日雞實驗所

Open Now

Now Closed

雞髀海南雞飯63蚊有嘢飲醃青瓜有淡淡嘅鹹酸味又唔會蓋過青瓜本身嘅清甜，味道較得啱啱好。雞髀同網上介紹嘅一樣真係好滑完全唔知佢點樣浸，既可以保持雞嘅形狀，又唔會好似平時啲海南雞咁啲皮散曬。有辣汁、豉油汁同泡沫蔥油汁，好鍾意佢個蔥油汁，平時啲蔥油會油味分離；但佢張個汁打成泡會令到個味融為一體，可以完整咁樣食到啲蔥油嘅味道，第一次見。湯應該冇味精掛，飲完成湯都冇好口渴嘅感覺；野飲可揀冷泡烏龍茶，味道清新。下次要試其他部位，睇下係咪全部都咁滑。