牛知己 (Closed)

日式/韓燒/打邊爐放題就食得多啦，韓式火鍋放題又試過未??今日係元朗私人屋苑附近發現尼間餐廳，主打韓式湯底火鍋，非常滋味，適合一大班人一齊去烚下烚下。五點至七點有早鳥優惠，叫個特級套餐$158可以食足個半鐘。每張枱都有一部tablet，方便落單。幾新奇既係，食物會係一盤盤咁係枱旁邊經軌道運過黎，省減侍應捧野食既時間。湯底有4款，叫左韓牛牛骨湯，白白既湯好濃郁，滾起後唔會太油膩，一開頭飲幾啖補補鈣，又補下骨膠原。仲可以揀富有韓國特色既泡菜湯，大醬湯，或者海帶湯。任叫既肉類有美國殼飼牛肉，西班牙豚肉，西班牙五花肉，雞肉。另外加錢叫左一份安格斯小牛排。安格斯小牛排質素果然高，入口即溶。牛肉，豚肉，雞肉每份都有好多片，好適合慢慢品嚐，肉質都幾嫩滑。仲有海鮮可以任叫，好似墨魚仔，青口，蝴蝶蝦。湯夠熱，滾幾下好快就熟，好鮮甜。打邊爐唔少得既丸類同蔬菜，可以自己去夾，種類非常多。飲品我就試左一jar黑糖水，由紅棗同黑糖調製而成，甘甘甜甜，又有d肉桂味，好清新。尼度都有飲品櫃，都唔少得lotte既蘆薈同忌廉牛奶。到最後例牌都係唧番杯乳酪雪糕先夠喉。整體，用輸送帶送食物，方便。而且有tablet落單，唔