Video
Read full review
2017-07-16
190 views
這家漁匠在上水相信係無人不知，無人不曉，我一直都期待有機會可以一嘗滋味。到今日抱住緊張又興奮既心情與到黎呢到上水食好西既決心一黎到餐廳門口，大大個漁匠料理招牌，同埋有大大支籃色旗「活魚刺身」作招徠，非常吸睛。同埋門口已經有客人係到等緊位。首先以幾款心愛既壽司及卷物揭開序幕：三文魚腩三文魚帶些少油份的魚香，沒咩雪味，咬落好滑而且好香的魚鮮味油甘魚腩油甘魚肥美甘香，厚切而且肉質結實有彈性。海膽赤海蝦海膽黃而鮮艷非常肥美，配合埋赤海蝦，一啖放入口時，口感夾雜濃郁海膽同海蝦鮮甜味，可以話係prefect match.香芒大蟹卷大大隻蝦頭加上８件大蟹卷，上面再舖上蟹籽，彈性十足，一啖放入口咬落去，好似爆炸咁，好刺激。咬一口，炸過既大蟹實在香口同卜卜脆。火炙海膽鵝肝輕輕煎過的鵝肝正滲出鵝油，加上舖左海膽係面，賣相已經令人垂涎三尺。豐腴柔滑的鵝肝，甘甜鮮美的海膽，完美配搭，對於喜愛海膽同鵝肝的人，一次過滿足兩個願望。火炙芝士帆立貝 帆立貝表面輕輕燒過，微溫既彈牙帆立凡夾住燒過既芝士一齊食，芝士的濃郁與帆立貝的鮮味完美結合，相輔相成食完以上壽司頭盤，之後點左杯黑牛爆珠雪糕特飲可樂加上一個朱古力雪糕球就
一黎到餐廳門口，大大個漁匠料理招牌，同埋有大大支籃色旗「活魚刺身」作招徠，非常吸睛。同埋門口已經有客人係到等緊位。
首先以幾款心愛既壽司及卷物揭開序幕：
三文魚腩
三文魚帶些少油份的魚香，沒咩雪味，咬落好滑而且好香的魚鮮味
油甘魚腩
油甘魚肥美甘香，厚切而且肉質結實有彈性。
海膽赤海蝦
海膽黃而鮮艷非常肥美，配合埋赤海蝦，一啖放入口時，口感夾雜濃郁海膽同海蝦鮮甜味，可以話係prefect match.
香芒大蟹卷
大大隻蝦頭加上８件大蟹卷，上面再舖上蟹籽，彈性十足，一啖放入口咬落去，好似爆炸咁，好刺激。咬一口，炸過既大蟹實在香口同卜卜脆。
火炙海膽鵝肝
輕輕煎過的鵝肝正滲出鵝油，加上舖左海膽係面，賣相已經令人垂涎三尺。豐腴柔滑的鵝肝，甘甜鮮美的海膽，完美配搭，對於喜愛海膽同鵝肝的人，一次過滿足兩個願望。
火炙芝士帆立貝
帆立貝表面輕輕燒過，微溫既彈牙帆立凡夾住燒過既芝士一齊食，芝士的濃郁與帆立貝的鮮味完美結合，相輔相成
食完以上壽司頭盤，之後點左杯黑牛爆珠雪糕特飲
可樂加上一個朱古力雪糕球就係黑牛，不過我果杯就係雲尼拿味雪糕球，相信Ｅ家都好小餐廳可以飲到。
冷涼既可樂，加上入口即爆既爆珠，實在令腦筋大爆發。
另一杯係楊枝甘露爆珠芒果雪糕特飲，造法大致相同。
黎到當然要試物燒物啦
侍應會特別供應一個炭爐比你親手下廚，有大廚上身感覺
燒原隻帆立貝(蟹膏燒)
食呢隻蟹膏必須冒著生命危險，因為分分鐘膽固醇爆錶。 不過美食當前一定去到盡。比較特別既係燒熟後，蟹膏會連埋香脆薯片一齊食。蟹膏食落去的香氣真係難而形容，味道係口裏慢慢融化，之後又漸漸地顯現出來。
雞軟骨串
店鋪會燒到約八至九成熟，然後由客人再自己一嘗炭燒過程
我就鐘意燒到勁乾身同埋偏金黃色，一放入口又係勁爽口同埋有小小脆口。
日式鰻魚炒飯
最後食埋鰻魚炒飯，色澤分明，鰻魚粒份量有誠意，不過唯一建議飯方面可以再乾身小小就完美。
總括呢間日式料理店，好多食物都係合乎我的喜愛同口味，而且黑牛同蟹膏燒既出現令我非常有驚喜，唔係間間料理店都供應，相信我好快再返嚟。
Post
