北海道食堂 (Closed)

自從疫情以黎都未食過放題，見男朋友口痕話想食大量刺身同燒物，就搵下新界有冇近近地既放題啦！搵到係沙田既北海道食堂，上網搵見到價錢唔算太貴而野食款式都多，又近近地就決定同男朋友閒日放工去試試！我地見中間既極上放題食物款式同價錢都相宜，$268 一位，包刺身，燒物，炸物，鍋物，飲品等等飲品櫃都係任飲，有茶類，鮮奶忌廉，蘆薈果汁等等如果要飲清酒就要加錢了，不過我地冇加到一拎到menu男朋友就忍唔住即刻畫畫畫，要嗌到成枱都係！刺身方面種類都多，油甘魚，墨魚，北寄貝，三文魚，帶子，八爪魚我地專登畫人頭份量，上菜時都係按返人數，唔會上一大堆比我地食唔晒炸墨魚咀份量都多，襯啤酒就岩晒啦～！炒野菜都好岩口味，好足料豆腐沙律蝦，南瓜，茄子，多春魚天婦羅，水準正常，炸物佐酒另外仲有炸南瓜薯餅，入面仲有粟米，唔錯我就期待燒物有雞翼，雞腎，雞軟骨，牛舌，冬菇，直菇，豬腩肉燒物overall都燒得不差，菇類都好juicy牛舌有咬口食左幾round另外仲有燒魷魚鬚，帶子，鵝肝，燒蠔望見賣相已經好吸引燒蠔大大件，好好味！唔腥，啖啖肉帶子，鵝肝同魷魚鬚亦都好肥美 燒物總結黎講放題性價比高，食物款式同質素都唔錯！會再返