Video
Read full review
2023-11-23
86 views
好少嚟屯門，但呢間餐廳值得回頭！餐廳氛圍好好，有個螢幕會播放唔同年代嘅英語流行曲，無論係向河定係望室內都有一番風味。佢哋嘅二人套餐好抵食，唔使$300有齊餐湯，沙律，餐飲，兩道主菜，仲可以以優惠價加倍意粉同埋甜品！職員態度仲好好，一坐低就已經向我哋介紹餐牌，仲推介左佢哋嘅熱門食物，喺呢個年代以咁嘅價錢食飯都有咁高質嘅服務，實屬少見。餐湯係蘑菇忌廉湯，湯上面加左香草，更加凸顯出湯嘅香濃。碗湯大大碗又暖笠笠，為冬天帶黎一陣暖意。杯檸檬茶大過塊面，仲可以免費添加！新鮮爽脆嘅沙律菜加埋酸酸甜甜嘅柚子汁好開胃，幫個肚打好準備食主菜。呢度嘅牛扒係廚師發辦，主打食稀有部位，餐廳每日提供嘅牛扒款式都唔同，今日就提供一個比較稀有嘅部位側邊腹肌牛扒，部位偏瘦，但係牛味比較香濃。香煎深海石斑魚外皮煎到脆卜卜，最好食係佢嘅白酒忌廉汁，白酒嘅香味好出，令我薯條都用呢個醬汁點嚟食（呢度嘅薯條都係任食哦！ ）香煎鮑魚蟹膏蟹肉意大利燴飯一粒粒煮到啱啱好 Al Dante，加埋十足份量嘅蟹膏蟹肉絲，鮮味香甜，仲有香煎鮑魚，成碟配搭超級完美。巴別塔甜品拼盤非常吸睛，兩舊巨大嘅牛角窩夫，仲有一嚿心太軟，一切落去爆曬漿，配埋
好少嚟屯門，但呢間餐廳值得回頭！餐廳氛圍好好，有個螢幕會播放唔同年代嘅英語流行曲，無論係向河定係望室內都有一番風味。佢哋嘅二人套餐好抵食，唔使$300有齊餐湯，沙律，餐飲，兩道主菜，仲可以以優惠價加倍意粉同埋甜品！
職員態度仲好好，一坐低就已經向我哋介紹餐牌，仲推介左佢哋嘅熱門食物，喺呢個年代以咁嘅價錢食飯都有咁高質嘅服務，實屬少見。
餐湯係蘑菇忌廉湯，湯上面加左香草，更加凸顯出湯嘅香濃。碗湯大大碗又暖笠笠，為冬天帶黎一陣暖意。杯檸檬茶大過塊面，仲可以免費添加！
新鮮爽脆嘅沙律菜加埋酸酸甜甜嘅柚子汁好開胃，幫個肚打好準備食主菜。
呢度嘅牛扒係廚師發辦，主打食稀有部位，餐廳每日提供嘅牛扒款式都唔同，今日就提供一個比較稀有嘅部位側邊腹肌牛扒，部位偏瘦，但係牛味比較香濃。
香煎深海石斑魚外皮煎到脆卜卜，最好食係佢嘅白酒忌廉汁，白酒嘅香味好出，令我薯條都用呢個醬汁點嚟食（呢度嘅薯條都係任食哦！ ）
香煎鮑魚蟹膏蟹肉意大利燴飯一粒粒煮到啱啱好 Al Dante，加埋十足份量嘅蟹膏蟹肉絲，鮮味香甜，仲有香煎鮑魚，成碟配搭超級完美。
巴別塔甜品拼盤非常吸睛，兩舊巨大嘅牛角窩夫，仲有一嚿心太軟，一切落去爆曬漿，配埋四球雪糕，完美嘅總結！
Post
