銘師傅潮州粉麵餐廳

Open Now

Now Closed

經常行過呢間新開的舖頭，終於有機會入去食下野。呢日，已經係下午茶時間，入到去唔算多人，隨便找個位坐下就可以了。最初諗住食下午茶餐，不過，無一個想食。於是，就看其他餐牌，發現有蠔仔湯飯。雖然天氣熱，不過都想試下，所以就叫了個蠔仔肉碎湯飯。原本想叫少飯的，不過阿姐話唔係好多飯架咋，所以就由佢。呢個唔係餐黎，無野飲的，要加飲品加八蚊。來到的湯飯賣相都幾好，好多葱等在上面。個碗又真係幾細喎，不過我夠食了。味道很濃，有頗多蠔仔，有些仲幾大隻添。肉碎就不算太多，飯量足夠。雖然價錢在元朗的茶餐廳來說比較貴，但有些特色野可以試下的。