銘師傅潮州粉麵餐廳

Open Now

Now Closed

其實你哋銘師傅嘅丸類粉麵,都做得唔 錯相當好只不過好希望你哋嘅兩位女 職員,唔好吓吓得閒冇客嘅時候,成日 開住部電話睇豆音,播啲普通話嘅歌, 第一冇人識聽,第二係非常滋擾到食客,你哋果兩個啊姐，只係識掛住睇片,聽歌!!就乜都唔做!!落單只得一兩台客,都冇人嚟寫單,咁作為你係老細!!請得佢哋兩個女職員算得係啲乜嘢啫!!其實我撐咗你哋好多年你哋嗰個魚腐 都相當好可惜冇咗但係其他丸類都整 得唔錯Keep 住團火,繼續做落去啦因為你 哋啊姐,一直以來都唔自律,其實都唔 淨止第一次播片又播普通話歌,嚟到滋 擾食客架喇!!無謂因為呢啲事,而搞到啲熟客,都憎 惡你哋啦!!

之前問咗好多朋友邊度有好食嘅炸醬麵佢哋就推介我嚟呢度， 但係我又唔覺得佢特別好食， 亦都唔可以話好食嚟形容， 之前試過屯門分店嘅河粉都OK但係呢個炸醬麵真係唔太得，而且啲座位好狹窄坐得好辛苦，所以我喳喳林食完即刻走🥹

又到糧尾 最緊要食平啲 隨隨便便就入咗去普普通通叫咗碗酸辣牛腩米 再整碟靚烚腐乳通菜 酸菜正常酸酸哋 腩汁好濃味 牛腩啖啖肉再搭啲肥膏 個人食肉獸最鐘意食瘦腩 啖啖肉好過癮 牛腩入味香口 出面牛腩麵好多係會比碎到好似肉碎嘅牛腩你/一舊大肥膏搭舊細瘦肉.. . 油菜同出面相比份量又係多 簡直塞飽我唔敢話佢價錢最平 但佢比肉份量唔孤寒 菜份量又多 簡直啱晒窮鬼我

原本打算去元朗廣場隔離的東記, 但滿座又唔想等位, 係附近行了一圈見到呢家無乜人, 就走了入去幫襯, 今次係第一次幫襯.門口的窗花貼滿雜誌定其他, 反正要打開門才知道入面有幾多人.尋晚大約八點半左右, 餐廳只得幾枱客, 揀了個二人枱坐低, 點了牛什麵及細的炸魚皮,  共45蚊.牛什麵,  35蚊,  價格合理, 好的係, 個麵夠爽滑,  牛什份量也足夠, 草肚4件, 牛肺2件, 牛大腸2件, 牛粉腸一件,  膀都有兩小件.最好食係牛肺及粉腸,  差的係,  個湯都幾咸,  牛膀帶酸, 疑似變壞 (因我最後才食牛膀, 所以都唔打算換了)炸魚皮, 10蚊, 有4-5片, 價格也合理.好的係,  跟的湯都放有蔥花,  夠惹味, 差的係, 魚片偏硬, 可能未炸夠,  有兩片浸了湯, 中間部份都係好硬的.最差的係, 好多味精, 好多味精, 好多味精,  原本只以為係湯底偏咸, (我只係飲了兩啖湯)八點半食完, 出去飲了一枝飲品, 返到屋企再飲半杯水, 十一點半仲口渴.因為第一次幫襯,  所以俾個正常的評價就算,  但去一次就夠了.

晚餐時間行過諗住簡簡單單食碗雲吞麵，四粒大大粒但味道唔算出色，不過但求飽肚都唔高要求啦，食頭兩粒都正正常常，食到第三粒就食到隻好似小朋友牙仔咁大粒既骨頭，其實初初睇到都猶豫緊係牙仔定係骨頭，有少少反胃，跟住同返呀姐講啲雲吞有粒骨，佢地啲態度係老馮雲吞係有骨咁答返我，大佬呀，個粒係鮮蝦雲吞，唔係豬骨雲吞喎，食雲吞麵真係唔會預佢有骨架嘛雖然野食就廚房整既，唔關呀姐事，但都唔好講到雲吞有骨好應份咁，第一時間就駁你，係呀係咁架不過味道普通加上一次咁既經歷，我都唔會再試架啦，啲牙唔太好既，避一避食佢地既雲吞啦，如果咬崩牙都唔知點同佢計數😮‍💨

中午嚟快食雲吞米，仲叫咗碟腐乳通菜份量足，多米粉，鮮蝦雲吞有五粒，蝦同肉都好實淨，皮又薄又滑，加芫茜蔥同炸蒜落湯底更香，我加埋枱面嘅冬菜同辣油，更加好味通菜都大碟，好靚好綠，腐乳又夠呢間小店又好食又抵食，侍應姐姐又有禮貌，值得大家幫襯

經常嚟銘師傅食潮州粉，水準極之穩定，侍應哥哥同姐姐又好有禮貌今朝食雲吞米、煎雙蛋同多士，飲茶走雲吞四大粒，裡面粒蝦又大啲肉又實淨，粉又夠晒多，最欣賞呢度提供冬菜，加埋辣油食，冇得彈蛋煎到啱啱熟，多士脆得嚟唔燶，最後要讚杯茶走，茶底夠濃，飲茶走就係貪煉奶甜，好多餐廳都落好少，但銘師傅係落得好足好夠！淨係杯茶走已經令我成日想返轉頭

又做孤獨的美食家，收工有d野係元朗搞未夠鐘就搵d野食，今日就試下銘師父，得知銘師父都定期會搞d派飯活動，相當有善心，所以都係其中一個支持既原因。銘師父個鋪面幾特別，密封晒係店外係望唔到入面環境，好有神秘感，入到去發覺環境都幾企理，主要都拍埋左右兩邊 中間有一行張枱，位與位之間唔算好迫。南乳豬手撈麵平時去粉麵店都係食牛腩河多，但唔知點解今日突然想食豬手撈麵，飲品就要加10蚊偏貴所以無叫，首先麵既份量有d驚人，都幾多下，可能有平時湯麵既1.5倍，麵既質地好煙韌，鹼水味無話好重，豬手有3件，炆得幾腍唔會過火，但略慊南乳味唔多夠，似滷水豬手多d，另有幾條生菜跟下，跟餐個大地魚湯都幾清甜，飲完唔會好渴。枱上有調味料，其中一樽好似咸菜咁既唔知乜黎，試左少少都幾咸下，唔太岩我口味。銘師父d食物質素唔差，有d餐就比其他粉麵店略貴少少，有d全日特價餐就相對抵食d但多數係丸類，37蚊包菜或魚皮或熱飲，間中都可以去支持下。

因為疫情關係所以成日都食外賣，銘師傅呢間粉麵鋪喺元朗成日都經過，今次終於去試吓。外賣自取，叫咗牛腩米同埋烚芥蘭，同埋一杯凍檸茶。牛腩米同埋烚芥蘭 再加杯凍檸茶。牛腩米份量充足 ，啲牛腩好香亦都好腍，加埋少少蔥花個湯都好飲。順帶一提，食得辣嘅朋友，不妨試吓佢哋嘅辣椒油，辣椒油都幾香唔錯㗎。呢間嘅烚芥蘭份量都充足，因為平時返工好少食到菜， 所以我覺得如果晚餐自己一個食，食到一份菜係幾健康嘅選擇。等我下次再試埋佢其他食物先。

呢個雙拼組合幾正  有蠔又有雞   味道都幾合我口味  日常食都不錯  位置都就腳 一落輕鐵就見到係對面  平時都冇食過  今次食左都會有下次40蚊都好抵 加飲品都係加多3蚊

午餐忽然想吃潮洲粉麵，於是專程來到這裡。點了紫菜魚三寶米粉，有魚蛋、魚皮餃丶魚皮頭。及點了另一碗生菜牛六寶河，有牛蒡、牛肺、牛腸、牛筋丶牛腩、牛肚；綜合兩碗也好味，湯底渴了也不口喝，確實吃完有滿足的感覺。

元朗好出名食牛腩麵既麵店  今次終於試到崩沙腩用限量既牛脆骨牛脆骨即係牛既氣管位,幾咁罕有就知啦!唔係成日有得食食到好獨特既口感,煙韌中帶脆感 近似軟骨既感覺呢個部位出奇地濃味, 沒有一絲脂肪,係幾特別既位置!崩沙腩 崩沙腩係牛嘅橫膈膜，一塊有齊筋肉膜膏因為每隻牛嘅崩沙腩得好少量,同樣都係賣完就無,明天再見份量都比得足夠多,食落軟淋有咬口,比起一般牛腩多點彈性,連筋位蘿蔔清甜無渣,吸曬牛腩汁味道更加好食 記得多蔥,食落更加香!銘師傅潮州粉麵餐廳元朗青山公路253-263號鴻業樓地下D舖消費$100

見到社交平台的牛腩關注組介紹銘師傅的崩沙腩，今次專程外賣了淨崩沙腩。崩沙腩下面有白蘿蔔，白蘿蔔炆得好入味，除左好香牛腩味之外，而且味道仲帶一絲清甜，一碗大概四件蘿蔔左右。至於牛腩方面，牛腩都算入味，味道略帶五香味，炆得都算入味，牛腩都炆得上晒色，而且食完都唔會太口渴。不過部分牛腩較柴，可能部分位置無咁靚～配以他們家的辣椒油，辣椒油都香，但辣度方面無咩辣味。但係對比價錢來講，份量相對較少，同埋部分肉質較鞋口，性價比不算太高。

除咗江仔記外，銘師傅係我另一間愛食嘅粉麵餐廳，照樣我都嗌瘦腩河配凍檸茶，佢嘅湯底會更加濃厚少少，更入味，瘦腩瘦得嚟唔會太硬咬唔郁，平靚正之選😋😋😋😋😋

🔎銘師傅潮州粉麵餐廳 (元朗)💛放假食返個靚早餐再去行山☀️🔹沙嗲牛肉麵 $28 配多士、火腿奄列 +$10🔹五香肉丁麵 $28配多士、腸蛋+$10正常港式早餐 水準中上 想簡單快食可以唔加配 有得揀係幾好幾抵食☺️📍元朗青山公路253-263號鴻業樓地下D舖🍴搵返相關地區👉🏻 #90sfoodieshare_元朗#食在元朗