Video
Read full review
2020-05-04
2817 views
海港城依間新嘅潮州菜, 見到個裝修加埋靚靚海景, 同埋廚房師傅們個班底已經知唔野少, 終於放工搵到班同事一齊去試試佢 .. 呢度好多菜式都好特別. 味道 擺設 配搭都做得好到位. 我都忘記咗有幾耐未試過食一餐飯一路食 一路讚. 識識吓大廚洪師傅仲出嚟同我哋傾吓計設計菜單嘅心得.. 好親民- 首先講吓佢個滷水鵝肝先. 佢做一啲都唔乾. 烹調時間控制得啱啱好. 食落去個鵝肝味夠哂香. 拼埋個滷水豆腐 呢個配搭真係一流 😋- 封油鴨髀沙律. 封油鴨髀好容易會做到乾柴. 好好彩今次食到四個字「皮脆肉滑」. 最趣緻嘅係碟旁擺左幾粒西瓜roll左啲芝麻. 口感好清新 🤗- 香芒他他蝦球（一人前）. 香芒醬汁包住蝦球. 而佢汁醬個調味啱啱好. 唔會食到好漏. 個蝦球食落去仲要係脆身. 冇得輸 😍- 潮色凍魚. 好驚喜呢間餐廳選擇咗馬友來做呢個菜式. 魚身油香更重. 肉質更嫩滑. 極度推介👍🏻👍🏻👍🏻- 椰香脆皮雞. 菜式賣相非常精緻. 分量亦不少. 雞嘅皮去除多餘油脂後好脆口. 咬落去嘅雞肉有非常之重嘅椰香味. 🤤- 煎蠔餅. 個蠔餅好似Pizza咁上枱. 仲要係超厚版本. 啱晒我呢啲懶人. 唔使夾
呢度好多菜式都好特別. 味道 擺設 配搭都做得好到位. 我都忘記咗有幾耐未試過食一餐飯一路食 一路讚. 識識吓大廚洪師傅仲出嚟同我哋傾吓計設計菜單嘅心得.. 好親民
- 首先講吓佢個滷水鵝肝先. 佢做一啲都唔乾. 烹調時間控制得啱啱好. 食落去個鵝肝味夠哂香. 拼埋個滷水豆腐 呢個配搭真係一流 😋
- 封油鴨髀沙律. 封油鴨髀好容易會做到乾柴. 好好彩今次食到四個字「皮脆肉滑」. 最趣緻嘅係碟旁擺左幾粒西瓜roll左啲芝麻. 口感好清新 🤗
- 香芒他他蝦球（一人前）. 香芒醬汁包住蝦球. 而佢汁醬個調味啱啱好. 唔會食到好漏. 個蝦球食落去仲要係脆身. 冇得輸 😍
- 潮色凍魚. 好驚喜呢間餐廳選擇咗馬友來做呢個菜式. 魚身油香更重. 肉質更嫩滑. 極度推介👍🏻👍🏻👍🏻
- 椰香脆皮雞. 菜式賣相非常精緻. 分量亦不少. 雞嘅皮去除多餘油脂後好脆口. 咬落去嘅雞肉有非常之重嘅椰香味. 🤤
- 煎蠔餅. 個蠔餅好似Pizza咁上枱. 仲要係超厚版本. 啱晒我呢啲懶人. 唔使夾到散晒 又唔會食到’呢咁Hea‘. 仲要淡淡蠔仔擺落口. 正🤩
- 豉·椒·辣炒羅馬生菜. 聽個名都覺得惹味. 師傅將羅馬生菜去晒啲葉嚟炒. 口感清甜爽脆. 食到好香嘅豆豉加埋少少辣椒. 好味道
食飽飽後友人話未夠喉. 佢發板嗌左兩個甜品. .. 一上枱差啲等唔到相機食先已經俾人搶食😂😂
- 腸粉魚蛋？🤔 個賣相真係呃哂. 食落去原來係一個椰汁腸粉加咗啲拖肥同士多啤梨醬. 再加咗個炸朱古力球. 落去腸粉個味道好香椰子味. 加埋個炸朱古力. 一冷一熱. 味道 + 溫度 =絕配
- 桂花烏龍蒙布朗. 個賣相完全俘虜左我哋個心 ☺️ 最欣賞嘅係依個甜品食落去唔會太甜. 而桂花烏龍茶香味亦做得非常突出. 加上旁邊啲舊式潮州糖果擺盆點綴左成個甜品. 令到你會想一啖一啖唔停係咁食
Post
