ClubNectionZ (Closed)

同事相約放工後到尖沙咀輕鬆一下，上網搵搵下搵到呢間CAFE，好似唔錯就黎試下。餐廳內既擺設都幾有品味，而且店員提醒有免費叉電既服務，都幾貼心既服務。香蕉可麗餅($46)因為唔想太肥所以揀左個無雪糕既可麗餅，第一次食可麗餅，都幾軟熟，可以朱古力醬同糖粉仲有新鮮既香蕉，整體係唔錯既組合，不會太甜，香蕉既軟熟質感同可麗餅一樣，十分配合。皇家窩夫($98)十分新穎同埋美味既窩夫，用六種新鮮生果伴碟而上，加上一大粒雪糕真係好罪惡既一餐。窩夫用左珍珠糖，整窩夫之前先溶少少珍珠糖，再加上特制十分煙韌窩夫，同次前食開既感覺好唔同，好有特色。珍珠糖令窩夫外層有一層焦糖既效果，而一粒粒既珍珠糖增加左窩夫口感，食落煙韌又有糖要咬下。比利時朱古力奶($38)由比利時入口既可可粉製造而成，除左甜度剛好之外還帶有一點點可可粉既苦味，不止有甜味反而令成杯野飲既層次更多。芒果沙冰($49)裝沙冰既杯已經好有特色，成個燈泡咁，沙冰十分幼細，味道又甜又酸，食完甜野再飲番一杯酸酸地既芒果沙冰真係一流既配搭。