新耀記食店

Open Now

Now Closed

平時有超多新x記茶餐廳，千遍一律冇黎新意，估唔到呢間唔起眼的「新耀記」卻能為平淡的生活帶來驚喜！單係呢張貼住响門口的$28外賣自取海報已經有料到，驟眼睇只係一張頹飯廣告，原來暗藏豬扒腸仔飯，仲包埋汽水，性價比極高！所謂沒有調查研究就沒有發言權，唔親身入去試下又怎能夠寫食評呢？我就叫左呢度最出名的「冰糖豉汁雞肶」炒一丁試試。冰糖豉汁雞肶炒一丁$55雞肶打人牙胶軟，咁大隻雞肶有誰唔心動呢？層皮用老抽滷上曬色、加埋到漏嘅冰糖有點似豬腳薑的味道，砌開佢熱騰騰出曬煙，真係色香味俱全！個炒一丁就偏鹹，簡唔中食下都ok，想健康啲可以揀配白飯。