兩三碗車仔麵

Open Now

Now Closed

佢搬新舖之前已經幫襯過幾次，舊舖比較細，每次都好似要急急腳食完都要即刻走。依家搬咗新舖，坐得舒服咗，環境又乾淨咗，食得更開心☺️今次同朋友食，分別嗌咗豬手豬頸肉牛腩河同墨魚春卷酸齋雲呑米。首先講下佢豬頸肉，分量超多！！而且燒得好香，又爽口，一碗大概有6舊，而且每舊都係有厚度，絕對唔係薄切嗰啲，好滿足！牛腩唔算係超淋，但好入味，而且唔肥，一啲都唔漏😙 豬手亦係兩舊大大舊，好香南乳味😋墨魚春卷雖然得一條，但其實佢又長又粗🤭🤭 而且好足料，食起來好彈牙！雲吞亦有大大舊蝦，彈牙又新鮮🦐 兩三碗係我食過分量最多又好食嘅車仔麵，絕對值得過嚟試下！