Video
Read full review
2014-08-06
673 views
今日路經此地~因重建關係,見觀塘區真係改變左好多~行行下發覺有D餓~而且感覺好耐都冇去過沙嗲王食沙嗲麵了~心中其實1516因為過去有唔太好的經驗…怕又悲劇重演,所以喺門口望下先發現佢出左D新野~好似几吸引,終於都忍唔住入去試下~星期日的下午茶時段,正常比較清閒,服務員小姐竟然帶我去一個比較多人坐的位置可能便於佢地做野LA..咁我當然自顧自咁搵個心儀冇咩人迫的位LA,有返少少空間感啊~睇睇餐牌~一睇就知佢翻新了~即係又加了少少價~多左几款主菜同埋少左好多特飲~其中一個好吸引我的係安格斯肥牛米線~同埋蒜香牛油鷄翼,兩個都係下午茶餐~好啱我口味~正要點菜的時候,服務員同我講下午茶未夠鐘,等了又等~終於可以落單~喺等食物的時候,我又讀下份餐牌~發現有D好有趣的地方~不單熱檸水叫價到$22一杯,仲有就係餐牌上好清楚講明會貨不對相~講明會縮水50%以上~叫客人見諒…嗯~真係好保障~終於有野食了~沙嗲安格斯肥牛米線 – 望住真係呆左,賣相真係同相片差好遠~浠溜溜的湯水~沙嗲味唔重~米線份量好多~真係唔知廚師點去衡量,但所謂的安格斯肥牛就得丁點咁多~入口感覺簡直係不及平時打邊爐的雪花牛~零粹得真係難以
行行下發覺有D餓~而且感覺好耐都冇去過沙嗲王食沙嗲麵了~
心中其實1516因為過去有唔太好的經驗…怕又悲劇重演,所以喺門口望下先
發現佢出左D新野~好似几吸引,終於都忍唔住入去試下~
星期日的下午茶時段,正常比較清閒,服務員小姐竟然帶我去一個比較多人坐的位置
可能便於佢地做野LA..咁我當然自顧自咁搵個心儀冇咩人迫的位LA,有返少少空間感啊~
睇睇餐牌~一睇就知佢翻新了~即係又加了少少價~多左几款主菜同埋少左好多特飲~
其中一個好吸引我的係安格斯肥牛米線~同埋蒜香牛油鷄翼,兩個都係下午茶餐~好啱我口味~
正要點菜的時候,服務員同我講下午茶未夠鐘,等了又等~終於可以落單~
喺等食物的時候,我又讀下份餐牌~發現有D好有趣的地方~
不單熱檸水叫價到$22一杯,仲有就係餐牌上好清楚講明會貨不對相~講明會縮水50%以上~
叫客人見諒…嗯~真係好保障~
終於有野食了~
沙嗲安格斯肥牛米線 – 望住真係呆左,賣相真係同相片差好遠~浠溜溜的湯水~沙嗲味唔重~米線份量好多~真係唔知廚師點去衡量,但所謂的安格斯肥牛就得丁點咁多~入口感覺簡直係不及平時打邊爐的雪花牛~零粹得真係難以形容!!絕對可以講搵唔到一片係似樣的肥牛片~!而且唔知係咪要等夠几碗先一次過出車~所以上到枱時已經唔係好熱了 V__V 都唔計佢的配菜少得可憐,搵個洋蔥圈都冇…失望~
蒜香牛油鷄翼 – 食到D米線差唔多食完~ 鷄翼先上枱,我仲以為漏左單~4隻鷄翼凍冰冰咁放喺碟上,本都唔敢抱任何期望, 一咬落去真係令人意外!好明顯係啱炸起,熱到辣咀,外層相信係用蒜茸同牛油撈埋包住己烚到8成熟的鷄翼再拎去炸,咁就可以唔洗炸得太耐變燶又唔會怕炸得唔夠熟,最奇妙的地方係一D都唔覺油膩,用黎墊鷄翼的生菜居然可以一滴殘油都冇~可能冇咩人點,所以有種即點即做的新鮮效果~!!成件作品出奇地達標!
期間服務員多次熱情地問我要乜野餐飲~我睇了又睇~最後點左兩杯付合佢餐廳要求($26以下)的飲品完結呢個下午茶~其實又唔係好急~又何苦成日搞住客人呢?!這熱心的服務似乎有點OVER左了..
總括黎講..算係見識過佢的新出品~真心希望佢地他日可以有所進步,至少所謂的主打唔好比閒角差~
Other Info. :
店舖係有洗手間設備,出了舖頭後要行一段相當長的路程…感覺去左後街,有D熱同濕,
可以忍一下的話,建議去對面AMP的洗手間~
(The above review is the personal opinion of a user which does not represent OpenRice's point of view.)
Post
