roommate

Open Now

Now Closed

彩虹道馬路邊新開一間Cafe，前幾日都見到要排隊，今日唔使排就即刻入去食。我叫咗焗比目魚櫻花蝦飯，朋友叫咗慢煮雞胸合桃蘋果沙律。比目魚櫻花蝦飯比較乾身，冇用太多香料醃製，但咁樣先食得出魚嘅真味，成個飯一啲都唔肥膩，反而好香櫻花蝦味，飯粒粒分明。朋友嗰個慢煮雞胸肉質好林，一啲都唔鞋。蘋果都好香甜，加埋醬汁口感豐富。佢話如果有兩種蘋果夾埋就好啦，例如係青蘋果同紅蘋果，但佢都算滿意。最後叫多咗個香茅巴斯克芝士蛋糕。本身朋友問我會唔會好怪，但食落又幾夾，香茅同芝士嘅比例剛剛好。坐窗邊風景好靚，但出邊有人排隊，就無謂霸住個位啦。