Video
Read full review
2021-08-24
1935 views
自從食咗慈雲山嘅榮記同埋荔枝角既好好運，開始左我不斷探索沙嗲牛肉麵之旅。好耐之前見到有人介紹一啲沙嗲牛肉麵嘅小店，身為沙嗲牛肉麵fans既我一早bookmark咗呢間餐廳，但遲遲都冇機會食到，因為佢淨係做朝早同晏晝，星期日休息，位置仲要係唔會特登去嘅新蒲崗，有一次我終於下定決心，要返工之前就嚟食呢間聞名已久既黃金茶餐廳。沙嗲牛麵嘅臥虎藏龍，能點止荔枝角同慈雲山，呢一間肥仔銘茶餐廳，喺一間新蒲崗開業左10幾年嘅茶餐廳，主打平民茶餐廳美食、麵餐、炒粉麵，因為曾經被飲食男女同埋香港金黃沙嗲牛肉群組推介而人氣倍增，好多人慕名而來除咗係因為佢嘅沙嗲牛肉麵，真係為咗佢哋嘅熱香餅而黎。熱香餅向來都係西式早餐，但呢間肥仔銘茶餐廳打破常規，將佢同港式嘅沙嗲牛肉麵擺埋一齊，將兩樣睇落牛頭唔搭馬嘴既美食結合，用香甜鬆軟既熱香餅，中和沙嗲牛肉麵既鹹味，兩者相得益彰，令到一眾食客食完返唔到轉頭，深得網民、街坊喜愛，高峰時晏晝之前就售罄。我前後食過三次都係朝早，大概七點幾八點幾到，有兩次都接近滿座、有一次入邊滿座所以要坐出邊。晏晝就更加人氣爆燈，好多人排隊同等外賣，即使位置隱蔽喺新蒲崗既錦榮街，都係人氣高企。雖然
沙嗲牛麵嘅臥虎藏龍，能點止荔枝角同慈雲山，呢一間肥仔銘茶餐廳，喺一間新蒲崗開業左10幾年嘅茶餐廳，主打平民茶餐廳美食、麵餐、炒粉麵，因為曾經被飲食男女同埋香港金黃沙嗲牛肉群組推介而人氣倍增，好多人慕名而來除咗係因為佢嘅沙嗲牛肉麵，真係為咗佢哋嘅熱香餅而黎。熱香餅向來都係西式早餐，但呢間肥仔銘茶餐廳打破常規，將佢同港式嘅沙嗲牛肉麵擺埋一齊，將兩樣睇落牛頭唔搭馬嘴既美食結合，用香甜鬆軟既熱香餅，中和沙嗲牛肉麵既鹹味，兩者相得益彰，令到一眾食客食完返唔到轉頭，深得網民、街坊喜愛，高峰時晏晝之前就售罄。
我前後食過三次都係朝早，大概七點幾八點幾到，有兩次都接近滿座、有一次入邊滿座所以要坐出邊。晏晝就更加人氣爆燈，好多人排隊同等外賣，即使位置隱蔽喺新蒲崗既錦榮街，都係人氣高企。雖然佢寫4:30閂門，但有時都會提早，三點就會賣哂、兩點幾可能已經冇晒沙嗲牛，如果想特登嚟一食確實要預早啲。
呢度因為係小店，枱同櫈唔多，入邊得三張圓枱一張方枱，大約可以容納10-12人，而出邊有兩張室外枱，可以容納4-6人，所以如果一心想黎堂食嘅話，要有心理準備同人搭枱。
入到餐廳就知道，店主係一個龍珠迷，擺滿哂龍珠figure，差唔多有過百隻。
睇過menu，首先係全日供應餐，因為依度冇早餐。所以早餐其實都係食呢啲餐。第一頁係有七個麵餐，仲有香餅餐、粒粒通、雞髀麵、自家製XO醬豬扒麵。如果你想食嘅麵同個包既乜，可以直接同店員講。
第二頁都有全日供應嘅兩個特餐同一個自選麵餐，仲有兩點後供應既下午茶餐，價錢由$35到40。
之後就係超級飯餐同炒粉麵飯餐，當中人氣之選有招牌豬扒飯 、XO醬粒粒炒飯、XO醬蝦仁炒飯、干炒粒粒通粉、XO醬招牌豬扒麵，價錢由$47到54，全部都鑊氣十足。
另外牆上有招牌人氣既特大盛鰻魚飯、墨魚餅等，呢度嘅招牌XO醬都可以買走，晏晝有啲飯外賣自取仲只係三十蚊，係新蒲崗糧尾嘅恩物。
-
麵餐E 💰37
1️⃣ 沙嗲牛肉麵 （👅: 8.5/10）
沙嗲牛肉麵
$37
25 views
2 likes
0 comments
沙嗲牛肉嘅份量夠多，有7-10舊，牛肉咬落夠腍，完全唔韌無筋，食落有牛味，肉質算唔錯 。應該有用鬆肉粉，但分量唔多。
麵係用大光麵，食落夠爽，有小小彈牙，唔會過腍或者過硬。
另外有人介紹教走湯當撈麵咁食，下次會試下，不過食過兩三次就算唔走湯都夠味。
-
2️⃣ 熱香餅 +💰2（👅: 8.5/10）
熱香餅
$2
15 views
1 likes
0 comments
熱香餅比麥當勞嘅厚度厚少少，咬落夠鬆軟食落蛋味夠香，好似食緊雞蛋仔咁，邊位仲會有少少焦脆，係好多熱香餅都做唔到嘅地方。
本身有少少甜味，唔加糖漿都夠味，加左就更加滿足，因為佢唔似麥當三塊熱香餅比兩舊牛油，係一塊熱香餅比一舊牛油，牛油份量適中，唔會太多食落over，絕對係好食過麥當勞，早餐食真係最適合不過，係香港人嘅comfort food。
食落香甜嘅熱香餅，反而同沙嗲牛肉麵非常之夾，因為可以中和佢嘅鹹味，每次嚟食早餐都係叫呢個組合。
-
☕ 熱奶茶 （👅: 8/10）
熱奶茶
16 views
1 likes
0 comments
凍奶茶會比熱奶茶甜，奶可能落得比較多。
-
🌟整體來講係一間中上水平嘅茶餐廳，全日都食到嘅沙嗲牛肉麵加熱香餅，非常適合朝早食，而晏晝就可以試佢其他嘅人氣菜好似
喺唔算多美食嘅新蒲崗，呢間絕對係附近返工嘅人早餐、午餐、下午茶嘅首選。
食過幾次嘅我，覺得呢一間茶餐廳好有人情味，雖然我未到熟客，朝早見到唔少熟客都嚟幫襯，有啲係後生嘅打工仔、有啲係陀住個BB嘅母親、仲有啲上咗年紀坐喺室外嘅阿叔，可以見到店員仲會同BB玩、同食客傾偈，聽到食客講照舊就知道佢哋係熟客，即使我唔係熟客都感受到佢哋服務好好，會因為冇位問我介唔介意坐出邊，之後入邊有位就會問我入唔入返嚟，落雨會好細心放個傘筒同盤比人擺傘。
咁有人情味、價錢咁平民、食物咁高質嘅小店，唔知幾時會再冇機會食到，係一間值得香港人支持嘅小店、係我食過最想一食再食嘅新蒲崗小店。
-
👅味道: 8.5/10
🍴環境: 7/10
💰消費: $39 (服務費: NA)
Post
