東江客家小廚

Open Now

Now Closed

本身自己唔係住喺呢一區，所以好少會喺呢區食野，咁岩呢次係朋友介紹之下，去左位於新蒲崗嘅東江客家小廚食野，可以講，呢間小廚雖然裝潢唔起眼，但一定可以媲美其他大酒樓。東江客家小廚美味之處，係鑊氣夠，味道夠，係出面好多中餐館已經食唔返呢個味道！此外，東江客家小廚可以客人自己帶食材去比師傅加工烹煮，但當然會收返小小加工費，不過加工費亦都唔會好貴。今次我哋買左龍蝦，蟶子，鮑魚仔，花甲同肉蟹黎加工，再係東江小廚到order多幾個小菜，分別係原隻德國咸豬手，蒸白鱔，小炒皇同豉椒炒味腸。龍蝦：師傅加工成龍蝦伊麵，呢碟龍蝦伊麵好足味，味唔會太重，適合一家大細，而且仲大大碟，好抵食。蟶子：師傅加工成豉汁爆炒蟶子，蟶子炒得唔老，好好味。肉蟹：師傅加工成薑蔥炒肉蟹，肉蟹爆炒得十分入味，又夠鑊氣！花甲：師傅加工成豉汁炒花甲，我係東江客家小廚食返細細個喺屋企食花甲嘅味道，十分回味～鮑魚仔：師傅加工成椒鹽鮑魚仔，小小微辣，酥脆，炸得唔會太老太硬！小炒皇：小炒皇加左韮菜花落去炒，除左食到肉之外，仲可以食下菜原隻德國咸豬手：一個字，讚！絕對冇得輸！本身德國咸豬手係原隻唔切的，但店家好用心，今次有幫我地切片，超細心！蒸白