重光弁当 (Closed)

新蒲崗好多好嘢食，之前係附近做嘢lunch time會食重光弁当，一來係同路人，二來食物質素高又有心思，連個盒都係日本製。於2020年頭開業，店名「重光」意指終有一天我哋能夠脫離黑暗重見光明，能夠睇到雨過天晴時萬物明淨嘅景象。黑暗過後便是光明，鼓勵大家要繼續堅持住！每個便當都有附上配菜 - 柚子汁雜菜沙律、關東煮（大根、星星魚餅、枝豆）、漬物及日本北海道珍珠米和飯素。柚子汁沙律酸酸地開胃；最喜歡大根每次都能保持質素，又淋又入味；珍珠米飯漲漲的粒粒分明而且軟糯。🍱手作和牛漢堡扒弁当 $98手打和牛成漢堡，扒面煎香內裡呈微粉色狀態，肉質鬆軟juicy。醬汁方面簡介寫係黑椒汁，我吃的當日換成茄汁了。份量充足，非常高質！🍱重光招牌弁当 $753款炸物，蝦餅、鱈魚柳和唐楊炸雞，配合特製沙律醬和木魚花。最喜歡唐楊炸雞，以雞上髀肉高溫酥炸，雞肉夠嫩滑，其餘兩款炸物表現也不錯。🍱牛肉壽喜燒弁当 (今次冇相🫡)之前吃過幾次的牛肉壽喜燒依然係我心目中第一位，自家製壽喜燒醬汁烹調的牛肉味道剛好 份量多，配合白飯很美好，每次都能吃完整個飯而且很飽！另外外賣袋子設計得好貼心，尺寸fit曬個便當唔容易倒瀉可以安心