馬六 (Closed)

馬來西亞下午茶餐！好耐冇食喇沙，見到有下午茶餐幾抵食，叫左兩個餐外賣，近排疫情又嚴重翻，最好減少喺外面逗留嘅時間，宜家外賣有九折。海南雞喇沙摻摻$46- 雖然下午茶話係輕量份量，但都幾大碗，有半隻雞蛋、幾舊索左好多喇沙湯嘅豆腐卜、雞脾同大量嘅麵同米粉，幾抵食。雞肉意想不到嘅軟滑，配上好足料同微辣嘅喇沙湯底，推介，不過略嫌湯底多油咗少少！南洋咖咉多士(班蘭)$26- 多士份量比較細，搽上薄薄嘅班蘭醬料，淡淡地唔錯。飲品方面，叫咗熱美祿同埋桔仔檸檬茶，檸檬茶有淡淡的金橘味道，好特別。