La Vigne (Closed)

今晩嚟咗大角咀嘅新餐廳慶祝朋友生日。估唔到閒日都唔少人喎。夜晩暫時得晩市套餐，小食同甜品。價錢唔算平，但依呢個格局都合理嘅。蒜蓉包烘到熱辣辣又脆卜卜，啲蒜味牛油味勁重，好好味呀！餐湯係忌廉蘑菇湯，夠晒濃郁，一定唔係就咁溝水。沙律也很清新。我嗌咗碟黑松露海鮮飯 （$168），本來以為海鮮飯都應該份量好細，點知唔係，份量好多。材料都好豐富，除咗有好多黑松露外，仲有煎帶子、蝦同青口。極推介呀！因為朋友生日，所以試下個好特别嘅甜品，就係爆谷鹹蛋黃雪糕 （$72）。雪糕好硬，可能啱啱係雪櫃拎岀嚟。味道真係好前衞，個雪糕有啲過鹹。