新記雞粥 (鴻禧大廈)

Open Now

Now Closed

屋企附近有幾間粥店，其中這間新記就有兩間，今晚正好無飯開，就落去食返碗粥。生滾粥都是三十多元，價錢合理。酥炸魷魚鬚：炸得香脆，外層粉漿又薄，魷魚新鮮彈牙。蒜泥汁脆皮豆腐：豆腐即叫即做，入口熱辣辣，有點似豆卜，加上蒜泥汁去減膩感。炸魚皮：炸得鬆化又有魚香，不會過咸。鮮蝦雲吞麵：湯底味道略淡，但雲吞正好一口一粒，裏面包滿了爽口蝦仁，麵質爽彈。薑葱爆鯇魚骨腩：魚腩表面薄粉炸至金黃，保留了魚肉嫩滑又帶點脆，加上薑葱香味，完全唔腥，而且鮮味十足。及第粥：十分足料，豬潤、肉丸、粉腸等等佔差不多半碗，粥底鮮甜綿滑。泰式青檸冰及豆漿：前者酸甜解渴但略嫌過甜，後者豆味濃郁且甜度適中。