Video
Read full review
2023-10-25
1259 views
今晚要OT，就喺附近搵食。諗起傳統冬菇亭翻新後都未去過，有幾間食肆好似都幾吸引。同事建議日式食品，就決定揀米子燒肉家啦。 環境舒適、光猛、座位亦寬敞，同以往迫迫狹狹嘅冬菇亭真係好唔同。 由於時間關係，我地揀左丼飯（包埋泡菜、味噌湯、仲有飲品。我地再加$20，就啤酒都可以任飲。）鰻魚係大家嘅首選，同事揀左配牛肉；我就揀左配豚肉。一口價原來仲包埋甜品任食，真係開心。甜品熱食類有紫米露、西米露；凍點就有唔同味道嘅啫喱，仲有我最愛嘅奶凍，食完甜品再開工，就更有衝勁！ 丼飯嘅飯量都算多，仲有蛋絲同紫菜搭配，超吸引。同事嘅牛肉又係有好多，而鰻魚就有兩大塊，微微烤焦，幾好味。而我嘅鰻魚就有三大塊，相對豚肉就唔多。 飲品方面，可以喺自助櫃內任揀。先揀了較輕盈嘅洛神花茶及同鳳梨烏龍茶，全部都唔會太甜，少糖啱晒我地。另外，再揀埋啤酒，諗起陣間仲要開工，真係要飲啖啤酒，唞下氣。 望住隔離枱食燒肉，勁吸引，下次唔洗OT，再嚟食燒肉放題。
環境舒適、光猛、座位亦寬敞，同以往迫迫狹狹嘅冬菇亭真係好唔同。
由於時間關係，我地揀左丼飯（包埋泡菜、味噌湯、仲有飲品。我地再加$20，就啤酒都可以任飲。）鰻魚係大家嘅首選，同事揀左配牛肉；我就揀左配豚肉。一口價原來仲包埋甜品任食，真係開心。甜品熱食類有紫米露、西米露；凍點就有唔同味道嘅啫喱，仲有我最愛嘅奶凍，食完甜品再開工，就更有衝勁！
丼飯嘅飯量都算多，仲有蛋絲同紫菜搭配，超吸引。同事嘅牛肉又係有好多，而鰻魚就有兩大塊，微微烤焦，幾好味。而我嘅鰻魚就有三大塊，相對豚肉就唔多。
飲品方面，可以喺自助櫃內任揀。先揀了較輕盈嘅洛神花茶及同鳳梨烏龍茶，全部都唔會太甜，少糖啱晒我地。另外，再揀埋啤酒，諗起陣間仲要開工，真係要飲啖啤酒，唞下氣。
望住隔離枱食燒肉，勁吸引，下次唔洗OT，再嚟食燒肉放題。
Post
