四季良晨 (新都城中心) (Closed)

又一個可以自然醒嘅假期，起身已經係11點左右，係食brunch嘅時間。落到商場，岩咁開左間新嘅台式餐廳，又試業緊，裝修都幾用心。餐廳裝修用左唔同有意思嘅句子貼左係牆身，而且餐廳枱櫈都有心思地用左台式設計，令人入到餐廳就樂似去到台灣小店咁，但係餐廳用左長櫈比較麻煩，因為餐廳係以出去落單嘅形式，而且落單後就唔可以更換位置，所以長櫈對於坐入面嘅客人比較唔方便。鹽酥雞排滷肉飯 $58上菜係用一個餐盤裝曬所有野食，雖然每碗睇起黎細細碗咁，但係份量好夠食，同埋附送左青瓜，唔怕淨食飯同雞咁單調。而且鹽酥雞好好食，滷肉又好入味，飯份量比睇落去多好多，超飽。加配左滷水蛋 ($6) 滷水蛋相對上比較遜色，唔太入味。滷水豬手飯定食 $65定食附送左菜，豬手煮到入曬味，而且又好淋，好好食，唔會好重口味，份量都幾多。紅燒腱心牛肉麵 $58牛肉麵麵質好彈口，麵比飯相對上大碗，牛肉湯又好入味。