Video
Read full review
2023-11-26
243 views
做Office成日都坐喺度，所以間唔中都會食沙律健康啲。公司樓下就有一間樹屋嘅分店，中午時間經常都大排長龍。最欣賞嘅係佢哋成個菜單都係支持緊可持續發展，每道菜都會寫明排放左大約幾多二氧化碳，感覺為地球出一分力，食嘅滿足感都大啲。今次就帶鍾意食肉嘅男朋友仔嘗試一下素食，希望佢都可以入坑。😆素食初鳥嘅佢就嗌咗個漢堡，另外升級做套餐，配上番薯條同埋一杯姜檸檬茶。而我就嗌咗一個經典沙律cedar清清腸胃，但作為一個鍾意甜品嘅女人，當然唔少得加多一塊朱古力堅果曲奇做飯後甜品。😆佢嗌嘅森林漢堡超級一大個，層層分明，望到就好似電視廣告拍出嚟嘅一樣🍔 酸種麵包好好味，食落啖啖冇負擔。漢堡肉用上咗大啡菇同埋紅菜頭製作而成，食落好香好Juicy，連佢呢個食肉獸都大讚拍得住真肉，而我就覺得比真肉更加好食！包嘅餡料仲配上咗茄子魚子醬同埋各款新鮮嘅生菜蕃茄洋蔥等等，食落好fresh超好味！番薯條超粗，配上佢哋嘅招牌香蒜醬汁，番薯香味好出，但更加多咗層炸過嘅香脆，係我目前為止食過最好食嘅番薯條。我嘅沙律就有牛油果，南瓜，同埋各款雜菜。好鍾意佢哋嘅沙律菜夠新鮮，而且款式好多，鍾意嘅話都可以自己配搭。好欣賞店舖會將醬
做Office成日都坐喺度，所以間唔中都會食沙律健康啲。公司樓下就有一間樹屋嘅分店，中午時間經常都大排長龍。最欣賞嘅係佢哋成個菜單都係支持緊可持續發展，每道菜都會寫明排放左大約幾多二氧化碳，感覺為地球出一分力，食嘅滿足感都大啲。
今次就帶鍾意食肉嘅男朋友仔嘗試一下素食，希望佢都可以入坑。😆素食初鳥嘅佢就嗌咗個漢堡，另外升級做套餐，配上番薯條同埋一杯姜檸檬茶。而我就嗌咗一個經典沙律cedar清清腸胃，但作為一個鍾意甜品嘅女人，當然唔少得加多一塊朱古力堅果曲奇做飯後甜品。😆
佢嗌嘅森林漢堡超級一大個，層層分明，望到就好似電視廣告拍出嚟嘅一樣🍔 酸種麵包好好味，食落啖啖冇負擔。漢堡肉用上咗大啡菇同埋紅菜頭製作而成，食落好香好Juicy，連佢呢個食肉獸都大讚拍得住真肉，而我就覺得比真肉更加好食！包嘅餡料仲配上咗茄子魚子醬同埋各款新鮮嘅生菜蕃茄洋蔥等等，食落好fresh超好味！
番薯條超粗，配上佢哋嘅招牌香蒜醬汁，番薯香味好出，但更加多咗層炸過嘅香脆，係我目前為止食過最好食嘅番薯條。
我嘅沙律就有牛油果，南瓜，同埋各款雜菜。好鍾意佢哋嘅沙律菜夠新鮮，而且款式好多，鍾意嘅話都可以自己配搭。好欣賞店舖會將醬汁分開上，咁就可以鍾意落幾多就幾多，啖啖都係健康嘅感覺。
一個完美嘅一餐當然唔少得甜品，塊朱古力曲奇繼續延續左呢份健康嘅一餐，用上咗原糖，小麥粉，豆奶等等健康嘅食材去代替原本唔健康嘅材料。唔好以為健康版嘅都唔好食，呢塊曲奇啖啖都充滿朱古力粒，而且店員有輕輕烤過令到佢外脆內軟，朱古力粒微微流漿，配上堅果嘅香，可以講係比普通出邊嘅曲奇更加好味！
2 views
0 likes
0 comments
總括而言，呢度環境又開陽，嘢食又新鮮，我終於明白點解佢成日都大排長龍，我諗我好快都會變成排隊嘅一員😂
Post
