咖喱叔叔 (Closed)

經過見到有間新開專食咖哩餐廳，一睇餐牌價錢幾抵食，有泰式青咖喱、港式黃咖哩、日式咖哩，咖喱用銀盤上，令我想起讀書時會食某連鎖咖哩店，充滿中學回憶。青咖哩牛舌飯青咖喱以金不換、檸檬葉、香茅等調製而成，帶複雜香料味，偏辣，咖哩汁好多，好送飯，厚切牛舌煎香左放上面，食得出有下功夫，預先處理過牛舌，質地好軟淋，口感幾好。如果有蔬菜伴碟就更好。秘制黃咖喱吉烈豬扒飯經典港式黃咖哩，加人不同香料調製．香氣四湓。吉列豬扒金黃酥脆，喺咖哩汁中，依家保留脆口，食得出無鬆肉粉味，飯多到食唔哂。跟餐加$18 叫左忌廉溝鮮奶同巨峰提子梳打。