Video
Read full review
2022-08-26
223 views
前幾日閒日趁得閒就過咗嚟試試，享受咗個悠閑嘅午餐😍🫶🏻聽聞餐廳團隊係嚟自法國餐餐同高級西式扒房，仲請咗前洲際酒店The Steak House Winebar + Grill同1881公館The Steak Room嘅廚師做顧問，唔怪之得啲食物咁出色！😆🔸炭燒安格斯黑牛肉眼扒 ᴄʜᴀʀɢʀɪʟʟᴇᴅ ᴜ.s. ᴀɴɢᴜs ʀɪʙᴇʏᴇ (𝟷𝟶 ᴏᴢ) $298揀咗餐廳推介嘅四成熟～牛扒嘅表面有炭燒嘅焦香，內裡嘅肉汁依然保持得好好，肉質軟嫩，肉味濃郁😍 牛扒有三款汁可以揀，分別係牛肉汁ɢʀᴀᴠʏ、黑椒醬ʙʟᴀᴄᴋ ᴘᴇᴘᴘᴇʀ、荷蘭蛋黃醬ʜᴏᴍᴇᴍᴀᴅᴇ ʜᴏʟʟᴀɴᴅᴀɪsᴇ，而我就揀咗ɢʀᴀᴠʏ～另外牛扒旁邊亦伴有少許海鹽，同埋店員會比幾款ᴍᴜsᴛᴀʀᴅ你揀～幾款調味都試過～我就最鍾意就咁食，原汁原味啲🫶🏻值得一提！牛扒仲伴有一隻焗蒜，完全係重口味人士（我）嘅至愛，成粒食哂haha🔸原隻招牌鐵板烤雞 ʀᴏᴀsᴛᴇᴅ ғʀᴇᴇ-ʀᴀɴɢᴇ ғᴀʀᴍ ᴄʜɪᴄᴋᴇɴ (ʜᴀʟғ) $228平時喺街比較少嗌烤雞，因為好怕食到鞋烚烚嘅雞肉～但呢個烤雞係十分驚喜呀！落單後即時烤嘅雞件，每一件都
聽聞餐廳團隊係嚟自法國餐餐同高級西式扒房，仲請咗前洲際酒店The Steak House Winebar + Grill同1881公館The Steak Room嘅廚師做顧問，唔怪之得啲食物咁出色！😆
🔸炭燒安格斯黑牛肉眼扒 ᴄʜᴀʀɢʀɪʟʟᴇᴅ ᴜ.s. ᴀɴɢᴜs ʀɪʙᴇʏᴇ (𝟷𝟶 ᴏᴢ) $298
揀咗餐廳推介嘅四成熟～牛扒嘅表面有炭燒嘅焦香，內裡嘅肉汁依然保持得好好，肉質軟嫩，肉味濃郁😍
牛扒有三款汁可以揀，分別係牛肉汁ɢʀᴀᴠʏ、黑椒醬ʙʟᴀᴄᴋ ᴘᴇᴘᴘᴇʀ、荷蘭蛋黃醬ʜᴏᴍᴇᴍᴀᴅᴇ ʜᴏʟʟᴀɴᴅᴀɪsᴇ，而我就揀咗ɢʀᴀᴠʏ～另外牛扒旁邊亦伴有少許海鹽，同埋店員會比幾款ᴍᴜsᴛᴀʀᴅ你揀～幾款調味都試過～我就最鍾意就咁食，原汁原味啲🫶🏻
值得一提！牛扒仲伴有一隻焗蒜，完全係重口味人士（我）嘅至愛，成粒食哂haha
🔸原隻招牌鐵板烤雞 ʀᴏᴀsᴛᴇᴅ ғʀᴇᴇ-ʀᴀɴɢᴇ ғᴀʀᴍ ᴄʜɪᴄᴋᴇɴ (ʜᴀʟғ) $228
平時喺街比較少嗌烤雞，因為好怕食到鞋烚烚嘅雞肉～但呢個烤雞係十分驚喜呀！
落單後即時烤嘅雞件，每一件都滑嫩多汁！外皮薄而金黄香脆！加埋惹味嘅調味料非常出色！下次再嚟要encore全隻！
側跟有啲蕃薯、新薯、翠玉瓜等等，一樣烤得香噴噴仲吸咗雞肉吧精華，正呀！
🔸無限量薯條ᴜɴʟɪᴍɪᴛᴇᴅ ғʀɪᴇs
薯條免費，而且可以任添！即炸薯條脆脆的，食到停唔到😆
🔸芝士通心粉 ᴍᴀᴄ & ᴄʜᴇᴇsᴇ $68
都係落單後即焗嘅，表面舖滿芝士，外層香脆，內裡creamy，一不起就拉絲～不過芝士味可以再濃啲，多啲cheddar就好😆
🔸牛油薯蓉 ᴍᴀsʜᴇᴅ ᴘᴏᴛᴀᴛᴏ $58
非常creamy! 牛油味香濃～加埋面頭嘅紫洋蔥撈埋食係提升到另一個層次！味道即刻豐富咗！
🔸嫲嫲芝士蛋糕 ɢʀᴀɴᴅᴍᴀ’s ᴄʜᴇᴇsᴇᴄᴀᴋᴇ $68
本身睇menu唔知咩係嫲嫲芝士蛋糕，不過覺得個名幾得意（佢仲有另一個爺爺churros🤣）
原來呢個係表面舖咗層厚厚奶蓋嘅basque cheesecake~面層焦香，內層軟滑，同淡淡奶香嘅creamy奶蓋好夾呀～
（p.s. 本身已經嗌咗好多嘢食，冇叫甜品，呢個蛋糕係店員同我哋傾完計知我哋特登好遠過嚟試呢間餐廳，之後請我哋食😳）
🔸咖啡 ʜᴀɴᴅᴄʀᴀғᴛᴇᴅ ᴄᴏғғᴇᴇ (sᴍᴀʟʟ ʙᴀᴛᴄʜ ʀᴏᴀsᴛᴇᴅ) $38
幾香，不過以我口味嚟講略為overroast咗啲😳
🔸冷榨富士蘋果汁 ʙʟᴇss ғᴜᴊɪ ᴀᴘᴘʟᴇ ᴊᴜɪᴄᴇ $48
甜甜的蘋果汁，啱哂食咁多肉之後解膩🙊
總結：高質親民價西餐，食物高水準，店員親切，景觀開揚，係愉快滿足嘅用餐體驗😍
Post
