酩町 (Closed)

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧身為foodie，定期都會搵下有咩新餐廳。今次經過尖沙咀The cameron1就搵到一間新嘅居酒屋，聽講台灣人氣樂團南拳媽媽都有光顧過，抱着追星嘅心情就決定試下。店員拎住一盆新鮮嘅是日鮮魚同我介紹，我一眼就比原條縞鰺所吸引，就叫店員整成刺身比我試下。一整條時令縞鰺 $328，可以根據口味叫師傅設成薄切或者厚切，我就揀咗厚切嘅方式。縞鰺肉厚但係肉質細緻，食落亦都非常爽口，又有鮨香和甜味。酪町火山卷 $168外型睇落真係似足火山，滿滿嘅蟹子和紅蔥絲做裝飾，內餡係滿滿嘅拖羅蓉。因為入邊已經有沙律醬做調味，所以其實唔需要芥末，入口綿密又有鮨香。和牛烏冬 $138烏冬非常彈牙，湯底又濃郁。和牛熟度剛好，又肉質軟腍。之後不妨可以試一下串燒，粟米 $28活白鱔 $68每日街市新鮮採購，所以非常新鮮，肉厚又味濃。豚肉萬能葱卷 $48佢哋嘅招牌串燒，豚肉包裹住萬能葱卷去燒，但有獨特嘅萬能葱焦香。焦糖燒菠蘿 $38菠蘿表面嘅焦糖好香脆，食落又多汁。另外亦都可以試吓佢哋嘅小食燒明太子 $88同埋厚切一口煙腩肉 $88，餸酒真係一流。୨୧┈┈┈┈┈┈┈┈┈┈