東京大眾酒場 (Closed)

大角咀唔係我常去嘅地方，但聽朋友介紹，最近喺呢邊新開左一間居酒屋，原來就係尖沙咀果間「東京大眾酒場」嘅新店！由於係新開張同附近有地盤嘅關係，附近有點冷清。但聽講午間有很多上班族黎食lunch呢！必吃一定係關東煮！自己出去揀餸，有少少似車仔麵揀餸咁。結果我揀左：福袋（$18）玉子福袋（$18）日本魚肉包心燒賣（$12）日本蘿蔔（$12）日本蘿蔔果然清甜！福袋有兩種餡，一種係年糕餡，另一種係原粒玉子餡，好得意！辣醬帶少少麻辣味，同甜甜地嘅關東煮互相match up！飲品櫃 靜岡綠茶可樂（$28）完熟桃子梳打（$28）另外一樣必食嘅係美人鍋（$188）每日限定供應！雞湯好濃，舖滿各種蔬菜，雞件，冬天食一定好溫暖！即使係餐前贈送嘅一小杯雞湯都好好飲，好濃厚，有豐富膠質！