歇腳亭 (Closed)

中午食完飯，午餐沒有飲品，同埋最近天氣又凍凍地，行到k11 附近，便諗住去買杯熱飲暖下，見到新開歇腳亨，可能新開關係，無乜人排隊，立即去睇下有咩熱飲，職員同我講新開張一個月，跟著好熱心介紹左有邊幾款熱飲，最後我唔要珍珠，揀左熱紅豆奶茶。紅豆奶茶唔算甜，而杯底紅豆都好多，又煮得好淋，粒粒紅豆都好粉，攪勻杯底d 紅豆，用飲管都一樣可以飲到d 紅豆，最重要杯奶茶攞到返公司都仲係熱，宜家又可以多個選擇買到台灣飲品。