歇腳亭 (禾輋廣場)

Open Now

Now Closed

今日同媽媽去禾輋街市買餸，咁啱經過商場，發現sharetea在禾輋商場地舖開張，啱啱開張第三日，仲寫住買一送一柳橙綠茶，地方唔算大，等茶位置比較逼，可能冇乜人知既關係，唔算太多人，前面得五個人排緊隊，還有一些人正在等緊茶，見唔使排咁耐又可買一送一就姑且排下隊買黎試下，開頭以為要買柳橙綠茶先可以買一送一，原來係買任何飲品滿$20就可以送一杯柳橙綠茶，所以我就買了一杯珍珠奶茶（$20）返屋企試下。要了杯少甜珍珠奶茶，因少甜關係反而味道啱啱好，飲到茶味，珍珠唔會太腍，有啲咬口，算幾好飲。柳橙綠茶好失望，柳橙味好淡，綠茶亦唔見得特別香，比珍珠奶茶失色，下次唔會買。總括黎講，珍珠奶茶就可以有下次，但一定要少甜，柳橙就唔使試。