Tom N Toms Coffee (Closed)

雖不是韓粉，但韓風大熱，梗系要黎試朝聖，原來餐廳還在試業階段，好多食物都未有得點。餐具餐巾有自家logocarmel latte，咖啡超香，入口順滑，奶跟甜度比例調得很好，一口接一口真係會另人上引㗎。熱柚子茶，一打開蓋香味擁埋黎，濃濃嘅柚子味，小小甜，飲完個人好舒服，同即沖啲真係差天共地。藍莓乳酪，強烈藍莓味，乳酪香滑，甜度適中，而且好冰凍，夏天飲一杯即刻透心涼。白汁雞肉薄餅，白汁又甜又滑又濃味，好似飲緊白湯咁，餅底香脆，熱辣辣好正喎。蕃茄牛肉口味，新鮮嘅蕃茄仔帶點酸，勁多芝士，烘得香脆又係勁正。蒜香多士，碟上落了蜂蜜，多士中間夾了芝士，上層塗左蒜容，烤得鬆脆。又好味又邪惡呀。肉桂口味版，嘩，啲cream香甜嫩滑，但卡路里超標啦，雖然好好味，但都要忍痛食小小好了。總括黎講，飲品同食物都好得，但店很小好難等到位，只好外賣一杯邊行邊飲吧。