潮叔 (駱駝漆大廈第三座) (Closed)

之前去過長沙灣店買凍貨，見開了觀塘店，地點在駱駝漆咁方便，便上來看看。一出𨋢口就見到潮叔，大大的招牌十分顯眼。哎…這間潮叔原來是食堂來的，雖然都有凍貨賣，但主要提供粉麵飯等，還有一人火鍋添😋點了一人小火鍋，$88很抵吃，連鎖店的劣質火鍋都要咁錢啦。落完單，店員便送上調味料盤，有蒜、蔥、芫茜、辣椒等👍一人小火鍋餐有晒咁多樣，睇見都覺得豐富，正😝湯底選了粟米蘿蔔牛骨湯，湯頭鮮甜唔油膩，未開始打先飲碗湯吧😋順帶一提，呢個小火鍋爐火力十足，一就就大滾。肉類四選一揀了吊龍，貪佢肉味濃，肉質嫩滑無渣😁一睇就知好野啦，放落湯灼幾秒好啦。五寶盒包括牛丸、魚蛋、豬肉丸、魚皮餃同炸魚皮，靚丸黎噃，爽口彈牙有鮮味。個餐仲有一份蔬菜盒，包括娃娃菜、唐生菜、萵筍、粟米、蕃茄、蓮藕、木耳，每樣少少啱晒，可以食多幾款👍唔少得有份澱粉質啦，選了烏冬，打邊爐特別夾嘛，吸盡湯底精華勁正🤤另外加$7有支裝烏龍茶，夠冰凍。真係好好味，湯底同牛肉都勁正，最後無乜點醬料，哈哈，原汁原味更好吖。