潤發飯店 (Closed)

本身book好咗枱食飯，點知行過呢間鋪頭，阿媽話想試新野，於是佢哋就沖左入去。呢度有兩個套餐，一個四人餐，一個六人餐，我哋一行六人就梗係叫六人餐啦。先來個鎮江肴肉，估唔到呢間小店又做得唔錯喎。呢個賽螃蟹就差啲啦，一啲都唔滑。黃金蝦，隻蝦唔新鮮，炸到咁都食到有腥味。鹹肉津白，正常嘢。呢個砂鍋雲吞雞，應該係全餐飯最好食嘅。雖然都有少少偏鹹，但係湯嘅嘢應該冇死嘅。呢個松子黃魚，又係衰咗係條魚唔新鮮度。不過炸粉處理得恰當，唔會太厚，叫做不過不失啦。另外再嗌咗個上海粗炒，正常嘢。雞絲粉皮呢啲冇得唔好食啦，都係靠個醬😂呢個芝麻湯圓不吃也罷。個餐本身係送豆沙鍋餅，但係佢整咗高力豆沙照送俾我哋。普通，但係個豆沙餡未免太少。新開張都咁嘅質素，下次唔駛去啦。